धोनीची निवृत्तीवर पत्नी साक्षी काय म्हणाली;कवितेसह शेअर केला स्पेशल फोटो

नवी दिल्ली: भारताचा माजी कर्णधार फक्त चाहत्यांनाच नाही तर त्याच्या जवळच्या लोकांना देखील स्वत:च्या निर्णयांनी हैराण करत असतो. शनिवारी देखील आंतरराष्ट्रीय क्रिकेटमधून निवृत्ती घेताना धोनीने सर्वांना असाच धक्का दिला. तसा धोनी सोशल मीडियावर सक्रीय नसतो. अन्य भारतीय क्रिकेटपटूंप्रमाणे धोनी सोशल मीडियावर फार व्यक्त होत नाही. पण स्वत:च्या निवृत्तीची घोषणा करण्यासाठी मात्र धोनीने सोशल मीडियाचा वापर केला. यासाठी धोनीने एका सूचक गाण्याची देखील निवड केली.

वाचा-
धोनीच्या या निवृत्तीनंतर त्याची पत्नी साक्षीने देखील सोशल मीडियावर एका कवितेच्या माध्यमातून प्रतिक्रिया दिली आहे. साक्षी सोशल मीडियावर धोनी आणि मुलगी झिवा संदर्भात अनेक पोस्ट शेअर करत असते. धोनीच्या निवृत्तीवर बोलताना साक्षीने अमेरिकन कवियत्री माया एजल्यू यांच्या कवीतेच्या ओळी लिहल्या आणि धोनीला शुभेच्छा दिल्या.

वाचा-
तु जे काही कमवले आहेस त्यावर गर्व झाला पाहिजे. क्रिकेटला सर्वोत्तम दिल्याबद्दल माझ्याकडून शुभेच्छा. तु जे यश मिळवले आहेत त्याबद्दल मला गर्व आहे. तुला उत्तम आरोग्य, आनंद मिळो, असे म्हणत साक्षीने एक कविता शेअर केली आहे.

वाचा-
लोक विसरतील तुम्ही जे बोलला आहात. लोक विसरतील तुम्ही जे केले आहे. पण लोक कधीच हे विसरणार नाहीत की तुम्ही त्यांना काय अनुभव दिला.

वाचा-
धोनीने ‘मै पल दो पल का शायर हूँ…’ या अमिताभ बच्चन यांची मुख्य भूमिका असलेल्या ‘कभी-कभी’ या चित्रपटातील साहिर लुधियानवी यांनी लिहलेले आणि मुकेश यांनी गायलेले या गाण्यासह भारताचा माजी कर्णधार महेंद्र सिंह धोनी याने २००४ ते २०१९ पर्यंतचे सर्व क्षण एका व्हिडित टाकले आणि निवृत्ती जाहीर केली होती.