क्रिकेटमधील कमाई शिवाय धोनीचे अनेक मोठे बिझनेस आहेत. त्याच बरोबर त्याने काही स्टार्टअपमध्ये गुंतवणूक केली आहे. यात कपड्यापासून ते हॉटेल आणि स्पोर्ट्स मॅनेजमेंट कंपन्यांचा समावेश आहे. जाणून घेऊयात धोनीचे कोण कोणते बिझनेस आहेत आणि तेथील गुंतवणुकीतून तो कशी कमाई करतो.
रिती स्पोर्ट्स मॅनेजमेंट कंपनी
महेंद्र सिंह धोनीची रिती स्पोर्ट्स नावाची एक मॅनेजमेंट कंपनीत भागिदारी आहे. ही स्पोर्ट्स मॅनेजमेंट कंपनी जगातील अनेक मोठ्या आणि दिग्गज खेळाडूंच्या व्यवस्थापनाचे काम करते. दक्षिण आफ्रिकेचा माजी कर्णधार आणि आयपीएलमध्ये रॉयल चॅलेंजर्स बेंगळूरूचा कर्णधार फाफ डु प्लेसिस, टीम इंडियाचा कर्णधार रोहित शर्मा, भुवनेश्वर कुमार हे रिती स्पोर्ट्स मॅनेजमेंटकडून सेवा घेतात.
Dhoni: संघातील या एका खेळाडूमुळे मला पुरस्कार मिळत नाही, विजेतेपदानंतर धोनीने थेट नाव घेतले
धोनीचे फुटवेअर
स्पोर्ट्स मॅनेजमेंट कंपनी शिवाय धोनीने २०१६ साली कपडे आणि फुटवेअर ब्रँड सेव्हन सुरुवात केली होती. या कंपनीवर धोनीची संपूर्ण मालकी आहे. फक्त फुटवेअर नाही तर फूड आणि बेवरेज मध्ये देखील धोनीची गुंतवणूक आहे. धोनीने 7 in Brews मध्ये देखील गुंतवणूक केली आहे. त्याने कॉप्टर ७ नावाचे एक चॉकलेट ब्रँड सुरु केले आहे.
धोनीची फिटनेस कंपनी
धोनीची ओळक ही एक फिट क्रिकेटपटू म्हणून केली जाते. त्यासाठी त्याने फिटनेसला प्रोत्साहन देण्यासाठी एक चेन सुरु केली आहे. ज्याचे नाव धोनी स्पोर्ट्सफिट असे आहे. देशात याच्या २००हून अधिक फिटनेस चेन सुरु करण्यात आल्या आहेत.
थरारक विजयानंतर निर्विकार राहिलेल्या धोनीचा बांध फुटला; त्या एका मिठीने डोळ्यात आले पाणी…
हॉकी संघाचा मालक
धोनी एक क्रिकेटपटू असला तरी तो आधी फुटबॉल खेळायचा आणि तेथे गोलकीपिंग करायचा. पण क्रिकेट शिवाय अन्य खेळात देखील त्याला आवड आहे. यामुळेच त्याने हॉकी आणि फुटबॉल संघात गुंतवणूक केली आहे. इंडियन सुपर लीगमध्ये चेन्नईयिन एफसी हा फुटबॉल संघ धोनीच्या मालकीचा आहे. इतक नाही तर हॉकीमध्ये रांची रेज या संघाचा तो सहमालक आहे.
धोनीची आंतरराष्ट्रीय शाळा
महेंद्र सिंह धोनीने बेंगळुरू येथे एक शाळा देखील सुरु केली आहे. धोनीच्या शाळेचे नाव एमएस धोनी ग्लोबल स्कूल इंग्लिश मीडियम असे आहे. धोनीच्या शाळेसोबत दिग्गज सॉफ्टवेअर कंपनी मायक्रोसॉफ्टचा सहभाग आहे, जी प्रोग्रामिंग सारखे विषय शिकवते.
धोनीला का आणि कोणासाठी आणखी एक वर्ष का खेळायचे आहे? विजेतेपदानंतर सांगितले भावनिक कारण…
धोनीचे प्रोडक्शन हाऊस
धोनीने चित्रपट उद्योगात देखील प्रवेश केला आहे. त्याचे एक प्रोडक्शन हाऊस आहे ज्याचे नाव धोनी एंटरटेनमेंट आहे. त्याच्या प्रोडक्शन हाऊसने लेट्स गेट मॅरेज या चित्रपटावर पैसे लावले होते. हा एक तमिळ चित्रपट आहे. काही दिवसांपूर्वी या चित्रपटाचे पोस्टर लॉन्च झाले होते.
ड्रोन कंपनीत गुंतवणूक
धोनीने टेक्नॉलॉजी कंपनीत गुंतवणूक केली आहे. या कंपनीचे नाव गरूड एयरोस्पेस आहे. या कंपनीतील गुंतवणुकीबाबत धोनीने माहिती दिलेली नाही. धोनी या कंपनीचा ब्रँड एंबेसडर देखील आहे. ही कंपनी ड्रोन तयार करते.
फूड कंपनी
टीम इंडियाच्या या माजी कर्णधाराने शाका हॅरी नावाच्या एका स्टार्टअपमध्ये गुंतवणूक केली आहे. ही कंपनी प्रोटीन तयार करेत. या कंपनीत अन्य गुंतवणूकदारांमध्ये मनु चंद्रा सारख्या लोकांचा समावेश आहे.
हॉटेल कंपनी
धोनी अनेक हॉटेलचा मालक देखील आहे. झारखंडमध्ये रांची येथे माही रेसिडेंसी नावाचे हॉटेल आहे. या हॉटेलची कोणतीही चेन नाही. धोनीचे हे एकमेव हॉटेल आहे जे रांची येथे आहे.
एकूण संपत्ती
धोनीने १० हून अधिक बिझनेस आणि स्टार्टअपमध्ये गुंतवणूक केली आहे. त्याची एकूण संपत्ती १ हजार ३० कोटी इतकी आहे. सध्या चेन्नई सुपर किंग्जचा कर्णधार असलेल्या धोनीला आयपीएलच्या एका हंगामासाठी १२ कोटी रुपये मिळतात. या शिवाय एंडोर्समेंट आणि पुरस्काराची रक्कम वेगळी मिळते. टीव्ही जाहिरातीतून तो ३.५ ते ६ कोटी रुपये कमावतो. त्याच्याकडे वेगवेगळ्या ५४ कंपन्यांच्या जाहिराती आहेत.
२०११ साली धोनीने उत्तराखंड येथे एक शानदार घर खरेदी केले होते ज्याची किंमत १८ कोटी इतकी होती. त्याचे स्पोर्ट्स कार आणि बाइकचे कलेक्शन सर्वांना माहिती आहे.
देशाला टी-२० वर्ल्डकप, वनडे वर्ल्डकप आणि चॅम्पियन्स ट्रॉफी अशी विजेतेपद मिळून देणाऱ्या धोनीने २००४ साली पदार्पण केले होते. १६ वर्षाच्या करिअरमध्ये त्याने ९० कसोटी, ३५० वनडे आणि ९८ टी-२० मॅच खेळल्या. कसोटीत ६ शतक आणि ३३ अर्धशतकांसह ४ हजार ८७६ धावा, वनडेत १० शतक आणि ७३ अर्धशतकांसह १० हजार ७३३ धावा. टी-२० मध्ये १ हजार ६१७ धावा केल्या आहेत.
Sports News in Marathi: Latest Marathi News on Cricket, Football, Tennis, Hockey & More
