धोनीने १५ ऑगस्टला रात्री ७ वाजून २९ मिनिटांनी आपील निवृत्ती जाहीर केली. आपली निवृत्ती जाहीर करताना धोनीने इंस्टाग्रामवर एक व्हिडीओ पोस्ट केला होता. ज्या व्हिडीओमागे, ‘ में पल दो पल का शायर हूं…’ हे गाणं वाजत होतं. सुरुवातीला चाहत्यांना ही गोष्ट नेमकी काय आहे, हे कळलंच नाही. पण त्यानंतर धोनीने निवृत्ती घेतल्याचे समजले. धोनीने निवृत्ती घेतल्यावर काही वेळातच सुरेश रैनानेही आपली निवृत्ती जाहीर केली.
धोनी आणि रैना यांनी १५ ऑगस्टलाच का निवृत्ती जाहीर केली, याच्यामागे एक गणितही आहे. याबाबतचा खुलासा रैनाने केला आहे. रैना म्हणाला की, ”
” १५ ऑगस्ट, भारताच्या स्वातंत्र्यदिनी मी आणि धोनीने निवृत्ती जाहीर केली. या दिवशीच का निवृत्ती जाही केली, याबाबतही एक गोष्ट आहे. धोनीचा जर्सी क्रमांक ७ आहे आणि माझा जर्सी क्रमांक ३. भारताला स्वातंत्र्य होऊन ७३ वर्षे पूर्ण झाली, त्यामुळेच आम्ही या १५ ऑगस्टला निवृत्ती घेण्याचा निर्णय जाहीर केला.”
धोनीच्या नेतृत्वखाली भारताने २००७ साली ट्वेन्टी-२० विश्वचषक जिंकला होता. त्यानंतर २०११ साली धोनी कर्णधार असताना भारताने एकदिवसीय विश्वचषक जिंकला होता. धोनीच्या नेतृत्वाखाली भारताने इंग्लंडमध्ये चॅम्पियन्स करंडकाला गवसणी घातली होती, त्याचबरोबर धोनीच्या काळात भारतीय संघ कसोटी क्रमवारीत अव्वल स्थानावर पोहोचला होता. धोनी हा भारताचा सर्वात यशस्वी कर्णधार होता, असे म्हटले जाते.
भारताचा माजी कर्णधार महेंद्रसिंग धोनीने शनिवारी आपली निवृत्ती जाहीर केली. त्यानंतर आता धोनीला भारतरत्न या मानाच्या पुरस्काराने सन्मानित करण्यात यावे, अशी मागणी आता जोर धरू लागली आहे. धोनीला यापूर्वी खेलरत्न हा पुरस्कार प्रदान करण्यात आला होता. पण आता धोनाला भारतरत्न
पुरस्कारही देण्यात यावा, अशी मागणी आता जोर धरू लागली आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
