आयपीएलला पुन्हा एक धक्का, अजून एका स्पॉन्सरने सोडली साथ…

स्पर्धा सुरु होण्यापूर्वीच आयपीएलला पुन्हा एकदा एक धक्का बसला आहे. आता अजून एका स्पॉन्सरने आयपीएलबरोबरचा आपला करार रद्द केला आहे. त्यामुळे स्पर्धेपूर्वी आयपीएलला मोठा धक्का बसल्याचे बोलले जात आहे.

वाचा-

काही दिवसांपूर्वी चीनच्या विवो या कंपनीने आयपीएलची स्पॉन्सरशिप सोडली होती. विवो दरवर्षी आयपीएलला ४४० कोटी रुपये देत होती. पण त्यानंतर बीसीसीआयने निविदा मागवल्या आणि ड्रीम इलेव्हन या कंपनीला आपली मुख्य स्पॉन्सरशिप २२२ कोटी रुपयांमध्ये दिली होती. ड्रीम इलेव्हन ही कंपनी चीनची असल्याचे बोलले गेले होते. त्यामुळे मोठा वादंग निर्माण झाला होता. हा वाद शमतो न शमतो ते आयपीएलला अजून एक धक्का बसला आहे.

वाचा-

एका स्पर्धेसाठी बरेच स्पॉन्सर असतात. विवो ही कंपनी आयपीएलची मुख्य स्पॉन्सर होती आणि आता ही जागा ड्रीम इलेव्हनने घेतली आहे. पण आयपीएलमध्ये असोसिएट स्पॉन्सर फ्युचर ग्रुप होती. गेल्या पाच वर्षांपासून ही कंपनी आयपीएलबरोबर जोडलेली होती. पण आता अचानक या कंपनीने आयपीएलबरोबरचा आपला करार रद्द केला आहे. आयपीएलनेही आपल्या वेबसाईटवरून या कंपनीचे नाव काढून टाकले आहे.

वाचा-

आता आयपीएलसाठी पुन्हा एकदा असोसिएट स्पॉन्सर शोधावा लागणार आहे. जर आयपीएलला असोसिएट स्पॉन्सर मिळाला नाही तर त्यांचे कोट्यावधींचे नुकसान होऊ शकते. त्यामुळे आयपीएल सुरु होण्यापूर्वी आयपीएलला असोसिएट स्पॉन्सर शोधणे गरजेचे आहे.

असोसिएट स्पॉन्सर म्हणून फ्युचर ग्रुपने आपला करार अचानक रद्द केला आहे. त्यामुळे बीसीसीआय याबाबत त्यांच्यावर कारवाई करू शकते. त्याचबरोबर त्यांच्याकडून करार मोडल्याप्रकरणी दंडही वसूल केला जाऊ शकतो. पण हा दंड मोठ्या स्वरुपात नसेल आणि आयपीएलला लवकरच आता असोसिएट स्पॉन्सर शोधावा लागणार आहे.

आयसीसीने विश्वचषक आणि बीसीसीआयने आयपीएलसाठी आशिया चषक रद्द केला. त्यानंतर आयपीएल ही १९ सप्टेंबरपासून युएईमध्ये खेळवण्यात येणार असल्याचे ठरवले गेले. युएईमध्ये आबुधाबी, दुबई आणि शारजा येथे आयपीएलचे सामने खेळवले जाणार आहेत. युएईच्या क्रिकेट मंडळानेही आज आपल्याला बीसीसीआयचे पत्र आल्याचे म्हटले आहे. त्यामुळे आता आयपीएल युएईमध्येच खेळवले जाणार, यावर शिक्कामोर्तब झाले आहे.