आंतरराष्ट्रीय क्रिकेट परिषदेने आज आपली क्रमवारी जाहीर केली आहे. या क्रमवारीत भारतीय खेळाडूच अव्वल स्थानावर असल्याचे पाहायला मिळाले आहे. भारतीय फलंदाजांनी या यादीत आपले स्थान कायम ठेवले आहे.

वाचा-

भारताचा कर्णधार विराट कोहली हा आयसीसीच्या एकदविसीय क्रमवारीत फलंदाजांच्या यादीमध्ये अव्वल स्थानावर विराजमान आहे. आयसीसीच्या एकदविसीय क्रमवारीत फलंदाजांच्या यादीमध्ये भारताचा उपकर्णधार रोहित शर्मा आहे. कोहली आणि रोहित यांच्या पहिल्या आणि दुसऱ्या स्थानाला अजूनही धक्का लागलेला नाही. आयसीसीच्या एकदविसीय क्रमवारीत गोलंदाजांच्या यादीमध्ये भारताच्या जसप्रीत बुमराहने अव्वल स्थान पटकावले आहे.

कसोटी क्रमवारीत ऑस्ट्रेलियाचा स्टीव्हन स्मिथ हा अव्वल स्थानावर आहे. त्यानंतर कसोटी क्रमवारीत दुसरे स्थान पटकावले आहे ते विराट कोहलीने. या यादीत तिसऱ्या स्थानावर ऑस्ट्रेलियाचा मार्नल लाबुशेन आहे. ट्वेन्टी-२० क्रमवारीत पाकिस्तानचा बाबर आझम आहे. आझमनंतर दुसऱ्या स्थानावर भारताच्या लोकेश राहुलने दुसरे स्थान पटकावले आहे. आयसीसी क्रमवारीच्या तिन्ही प्रकारांत अव्वल पाच फलंदाजांमध्ये भारतीय खेळाडू आहेत. संघांच्या क्रमवारीत भारत एकदिवसीय क्रिकेटमध्ये दुसऱ्या स्थानावर आहे, तर कसोटी आणि ट्वेन्टी-२० प्रकारात भारत तिसऱ्या स्थानावर आहे.

वाचा-

आयसीसीच्या कसोटी क्रमवारीत गोलंदाजांच्या यादीमध्ये ऑस्ट्रेलियाचा पॅट कमिन्स पहिल्या स्थानावर आहे, तर ट्वेन्टी-२० क्रिकेटच्या गोलंदाजांच्या यादीमध्ये अफगाणिस्तानचा रशिद खान हा अव्वल स्थानावर आहे. कसोटी क्रिकेटमध्ये सहाशे बळींचा टप्पा गाठणारा इंग्लंडचा वेगवान गोलंदाज जेम्स अँडरसनने या यादीमध्ये सहावे स्थान पटकावले आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here