आयपीएल सुरु होण्यापूर्वीच केकेआरला धक्का, 'या' खेळाडूने घेतली माघार

आयपीएल सुरु होण्यापूर्वीच कोलकाता नाईट रायडर्स संघाला आता एक मोठा धक्का बसला आहे. कारण यंदाच्या आयपीएलसाठी एका खेळाडूने माघार घेतल्याचे पाहायला मिळत आहे.

आयपीएल सुरु व्हायला अजून काही दिवस शिल्लक आहेत. त्यामध्ये केकेआरच्या संघाला अशी वाईट बातमी मिळाली असून आता या खेळाडूच्या बदली संघात कोणत्या क्रिकेटपटूला घ्यायचे, याचा विचार त्यांना करावा लागणार आहे. या नव्या खेळाडूला पहिल्यांदा करोनाची चाचणी करून घ्यावी लागेल. ती चाचणी निगेटीव्ह आल्यावरच त्याला युएईला जाता येणार आहे. युएईला गेल्यावर या खेळाडूला सहा दिवस क्वारंटाइन राहावे लागणार आहे. या सहा दिवसांमध्ये त्याच्या करोनाच्या तीन चाचण्या होतील आणि या चाचण्यांमध्ये निगेटीव्ह आल्ययानंतरच त्याला संघाबरोबर राहता येईल.

आपल्या स्लो बॉलसाठी प्रसिद्ध असलेला गोलंदाज हॅरी गर्नी यावर्षी आयपीएलमध्ये खेळू शकणार नाही. कारण हॅरीच्या खांद्या दुखापत झाली आहे. त्यामुळे हॅरीला आपल्या खांद्यावर उपचार घ्यावे लागणार आहे. त्यानंतर त्याला काही आठवडे विश्रांती घ्यावी लागेल. पण त्यामुळे त्याला यावर्षी आयपीएल खेळता येणार नाही

आयपीएलसाठी सर्वात आधी दोन संघ युएईला रवाना झाले होते. यामध्ये किंग्ज इलेव्हन पंजाब आणि राजस्थान रॉयल्स या दोन संघांचा समावेश होता. या दोन संघांतील सर्व खेळाडूंना सहा दिवस क्वारंटाइन केले होते. या दोन्ही संघांतील खेळाडूंच्या तीन करोना चाचण्या झाल्या. या तिन्ही चाचण्यांमधील खेळाडूंचे करोना अहवाल निगेटीव्ह आले आहेत. त्यामुळे आयपीएलसाठी ही एक सकारात्मक गोष्ट असल्याचे म्हटले जात आहे.

आयपीएलचे वेळापत्रक बनवण्यात बीसीसीआयला काही समस्या जाणवत आहेत. पहिली गोष्ट तर करोनाचं संकट तर आहेच. पण त्याचबरोबर सर्वात युएईमध्ये सध्याच्या घडीला उष्म वातावरणार आहे. त्यामुळे कडक गर्मी जाणवत आहे. त्यामुळेच खेळाडूंनी दुपारी सराव न करण्याचाही निर्णय घेतला आहे.या उष्ण वातावरणामुळे बीसीसीआयला जास्त सामने आबुधाबी येथे खेळवायचे नाहीत, त्यामुळेच बीसीसीआयला आयपीएलचे वेळापत्रक बनवण्यात जास्त वेळ लागत आहे.