चेन्नईच्या संघात करोनाची लागण बाधा आल्यावर रैना चांगलाच घाबरला होता. त्याने ही गोष्ट संघातील काही व्यक्तींना सांगितली होती. पण त्यानंतर संघाचा कर्णधार महेंद्रसिंग धोनीने रैनाची समजूत घालण्याचा प्रयत्न केला होता. पण रैना कोणाचेही ऐकण्याचा मनस्थितीत नव्हता आणि मायदेशी जाण्याचा हट्ट करत होता. त्यामुळे त्याला शनिवारी मायदेशी पाठवण्यात आले होते.
शुक्रवारी चेन्नईच्या संघातील एका खेळाडूसह १२ सपोर्ट स्टाफच्या सदस्यांना करोना झाला होता. हा सर्वांसाठी मोठा धक्का होता. त्यानंतर चेन्नईच्या संघात तणावपूर्ण वातावरण निर्माण झाले होते. सर्व खेळाडू स्वतंत्रपणे आपल्या रुममध्ये असले तरी त्यांना करोनाबाबतची चिंता सतावत होती. त्यानंतर शनिवारी पुन्हा चेन्नईचा एक खेळाडू करोना पॉझिटीव्ह सापडला होता. शनिवारीच घाबरलेल्या सुरेश रैनाने चेन्नईचा संघ सोडण्याचा निर्णय घेतला होता आणि तो मायदेश परतला होता. त्यामुळे संघाचे टेंशन अजूनच वाढलेले होते.
आता चेन्नईच्या संघ अजून एक धक्का बसू शकतो, असे म्हटले जात आहे. कारण त्यांचा एक स्टार खेळाडू संघाला सोडचिठ्ठी देऊ शकतो, असे म्हटले जात आहे. हा स्टार क्रिकेटपटू आहे हरभजन सिंग. आतापर्यंत हरभजन चेन्नईच्या संघात सहभागी झालेला नाही. चेन्नईच्या संघाने सराव शिबीराचे आयोजन केले होते. त्यामध्ये हरभजन नव्हता. त्याचबरोबर चेन्नईचा संघ दुबईला जाण्यासाठी रवाना झाला त्यावेळी हरभजन संघात नव्हता. त्यामुळे हरभजन चेन्नईच्या संघाबरोबर यावर्षी खेळणार की नाही, हा सर्वात महत्वाचा प्रश्न आहे.
हरभजन चेन्नईच्या संघातून यावर्षी खेळणार नाही, असे बऱ्याच वर्तमानपत्रांनी काही दिवसांपूर्वी म्हटले होते. हरभजन आज (१सप्टेंबर) दुपारी दुबईला रवाना होणार होता. पण त्याबाबत कोणतीही माहिती मिळू शकलेली नाही. त्याचबरोबर हरभजनच्या जवळच्या व्यक्तीने सांगितले होते की, चेन्नईच्या संघातील खेळाडूंना करोनाची बाधा झाली आहे. त्यामुळे हरभजन दुबईला जाण्याची तारीख बदलू शकतो किंवा यावर्षीच्या आयपीएमधून माघारही घेऊ शकतो.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
