सुरेश रैनासाठी चेन्नई सुपर किंग्स संघाची दारं आता बंद होऊ शकतात, असे संकेत मिळत आहेत. कारण चेन्नईच्या संघाने आपल्या व्हॉट्सअ‍ॅप ग्रुपमधून रैनाची हकालपट्टी केल्याचे पाहायला मिळत आहे. त्यामुळे आता रैनाला चेन्नईच्या संघात स्थान मिळणे कठीण असल्याचे म्हटले जात आहे.

शुक्रवारी चेन्नईच्या संघातील १३ सदस्य करोना पॉझिटीव्ह सापडले आणि त्यानंतर रैना घाबरला. आपल्या मनातील भिती त्याने धोनी आणि संघातील अन्य काही व्यक्तींनाही बोलून दाखवली. त्यावेळी धोनीने रैनाला समजावण्याचा प्रयत्न केला होता. पण रैनाने त्याचे काहीच ऐकले नाही. त्यानंतर धोनी आणि रैना यांच्यामध्ये भांडण झाल्याचे म्हटले गेले होते. त्यानंतर रैनाला चेन्नईच्या व्हॉट्सअ‍ॅप ग्रुपमधून वगळण्यात आल्याचेही दिसत आहे.

प्रत्येक संघाचा एक व्हॉट्सअ‍ॅप ग्रुप आहे. या व्हॉट्सअ‍ॅप ग्रुपमध्ये संघाशी निगडीत असलेल्या गोष्टी पोस्ट केल्या जातात. संघातील खेळाडूंना आता नेमके काय करायचे आहे, ही गोष्ट सध्या व्हॉट्सअ‍ॅप ग्रुपमधून सांगितली जाते. पण रैना जेव्हा तडकाफडकी चेन्नईच्या संघाला शनिवारी सोडून गेला. त्यानंतर रैनाला चेन्नई संघाच्या व्हॉट्सअ‍ॅप ग्रुपमधून हटवण्यात आले आहे. चेन्नईच्या संघाची कोणतीही गोष्ट रैनाला कळू नये, हा यामागचा उद्देश संघाचा असू शकतो. व्हॉट्सअ‍ॅप ग्रुपमधून रैनाला बाहेर काढणे म्हणजे त्याच्यासाठी आता संगाची दारं बंद झाल्याचे म्हटले जात आहे.

या वर्षी आयपीएल न खेळता पुन्हा भारतात परत येण्याच्या सुरेश रैनाच्या निर्णयावर श्रीनिवासन म्हणाले होते की, “रैनाच्या डोक्यात यश गेले आहे. रैनाच्या आयपीएल सोडण्यावर अनेक चर्चा सुरू होत्या. त्यापैकी एक म्हणजे संघातील २ खेळाडूंसह १३ जणांना करोनाची लागण झाल्याने तो घाबरला होता आणि त्यामुळेच त्याने संघ सोडण्याचा निर्णय घेतला. तर दुसरे कारण म्हणजे रैनाला हॉटेलमधील रुम खराब मिळाली होती.”

याबाबत रैना म्हणाला की, ” भारतात परतण्याचा माझा वैयक्तीक निर्णय होता. मी माझ्या कुटुंबियांसाठी परत आलो आहे. अशा काही गोष्टी होत्या ज्यामुळे मला कुटुंबासोबत राहणे गरजेचे होते. सीएसके देखील माझे कुटुंब आहे आणि माही (महेंद्र सिंह धोनी) माझ्यासाठी सर्व काही आहे. असा निर्णय घेणे माझ्यासाठी कठीण आहे. पण तो मला घ्यावा लागला. माझ्यात आणि सीएसकेमध्ये कोणताही वाद नाही. त्याचबरोबर भारतात परतताना माझ्या आणि धोनीमध्ये भांडण झाले, असेही ऐकिवात येत होते. पण या गोष्टीमध्ये सत्य नाही. माझ्या आणि धोनीमध्ये कोणताही वाद नाही, असे रैनाने दैनिक जागरणला दिलेल्या मुलाखतीमध्ये सांगितले होते. ”

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here