भारताचे तीन आंतरराष्ट्रीय कुस्तीपटू करोना पॉझिटीव्ह

टोकिओ येथे होणाऱ्या ऑलिम्पिकसाठी पात्र ठरलेला भारताचा कुस्तीपटू दीपक पुनियाला करोना झाल्याचे आज समोर आले आहे. दीपकबरोबर अन्य दोन कुस्तीपटूही आज करोना पॉझिटीव्ह सापडले आहेत. हे तिघेही राष्ट्रीय शिबिरामध्ये दाखल झाले होते. शिबिरामध्ये दाखल झाल्यावर त्यांची करोना चाचणी घेण्यात आली आहे. त्यावेळी या तिन्ही कुस्तीपटूंना करोना झाल्याचे समजले होते.

वाचा-

राष्ट्रीय क्रीडा प्राधिकरणाच्या सोपीनथ येथील सेंटरमध्ये आज कुस्तीपटूंची करोना चाचणी घेण्यात आली. या चाचणीमध्ये भारताचे तीन मल्ल करोना पॉझिटीव्ह असल्याचे पाहायला मिळाले आहे. या तिघांनाही हॉस्पिटलमध्ये दाखल करण्यात आले असून त्यांच्यावर उपचार सुरु आहेत.

वाचा-

आज सोनीपथ येथील राष्ट्रीय क्रीडा प्राधिकरणाच्या सेंटरमध्ये काही कुस्तीपटू, प्रशिक्षक आणि सपोर्ट स्टाफ दाखल झाला होता. या सर्वांची करोना चाचणी करण्यात आली. या चाचणीमध्ये दीपक पुनियाबरोबर (८६ किलो), नवीन (६५ किलो) आणि कृष्णन (१२५ किलो) हे कुस्तीपटू करोना पॉझिटीव्ह सापडले आहेत. या तिघांनाही हॉस्पिटलमध्ये दाखल करण्यात आले असून त्यांची योग्य ती काळजी घेतली जात आहे.

वाचा-

दीपक पुनिया हा यापूर्वीच टोकिओ येथे होणाऱ्या ऑलिम्पिकसाठी पात्र ठरला आहे. त्यामुळे सोनीपथ येथे राष्ट्रीय शिबिराचे आयोजन करण्यात आले होते. या शिबिरामध्ये एकूण २६ कुस्तीपटूंसह सहा जणांचा सपोर्ट स्टाफ दाखल झाला होता. या सर्वांची करोना चाचणी घेण्यात आल्यानंतर तीन कुस्तीपटू करोना पॉझिटीव्ह असल्याचे समोर आले आहे.

वाचा-

महिला कुस्तीपटूंचे शिबिर लखनौ येथे आयोजित करण्यात येणार होते. हे शिबिर १ ते ३० सप्टेंबरपर्यंत आयोजित करण्यात येणार होते. पण महिला कुस्तीपटूंनी शिबिरासाठीचा प्रवास आणि सुरक्षिततेच्या कारणांवरून आपण उपस्थित राहू शकणार नाही, असे कळवले होते.