सट्टेबाजी कायदेशीर करा आणि पैसे कमवा; शशी थरूरांचा सरकारला अजब सल्ला

नवी दिल्ली: केंद्रातील नरेंद्र मोदी सरकारवर टीका करण्याची एकही संधी न सोडणाऱ्या काँग्रेसच्या एका खासदाराने धक्कादायक विधान केले आहे. काँग्रेसचे खासदार आणि माजी केंद्रीय परराष्ट्र राज्य व्यवहार मंत्री यांनी एका फेसबुक लाइव्ह चॅटमध्ये स्पोर्ट्स बेटिंग अर्थात सट्टेबाजीला अधिकृत मान्यता देण्याचा सल्ला दिला आहे. इतक नव्हे तर यामुळे सरकार आणि क्रीडा क्षेत्र या दोघांना फायदा होऊ शकते असे त्यांनी म्हटले आहे.

वाचा-
स्पोर्ट्स क्रीडाच्या फेसबुक पेजवरील लाइव्ह चॅटमध्ये शशी थरूर यांनी सट्टेबाजीला अधिकृत मान्यता द्यावी असे म्हटले. यामुळे क्रिकेटमधील मॅच फिक्सिंग हा प्रकार कमी होण्यास मदत होईल असे त्यांचे म्हणणे आहे. जर सरकारने ही गोष्टी अधिकृत केली तर त्यांना चांगले उत्पन्न मिळू शकेल.

वाचा-
सर्वोच्च न्यायालयाने याला फेअर प्ले असे घोषित केले आहे. त्यानंतर भारतात फॅटसी क्रिकेट मोठ्या प्रमाणात वाढले आहे. भारतातील सर्वात मोठी फॅटसी कंपनी ड्रमी ११ ही आयपीएलच्या १३व्या हंगामाची स्पॉन्सर आहे. यावरून तुम्हाला लक्षात येईल की हा व्यवसाय किती वेगाने वाढत आहे. सरकार अशा प्लॅटफॉर्मच्या माध्यमातून उत्पन्न मिळवत आहे. खेळ सट्टेबाजीला उत्पन्नाचे साधन बनवल्यास त्याच फायदा होईल.

वाचा-
भारतात क्रिकेट सट्टेबाजीला अधिकृत मान्यता द्यावी का या प्रश्नाचे उत्तर देताना ते म्हणाले, मी फक्त शिफारस केली होती. संसदेच्या गेल्या सत्रात मी एक खासगी विधेयक सादर केले होते. ज्यात सट्टेबाजीला अधिकृत करण्याच्या तरतूदी होत्या, असे थरूर म्हणाले.

सध्या या अंडरवर्ल्डचा पैसा लागतो. याला कायदेशीर मान्यता दिली तर तुम्ही त्यांची सत्ता काढून घ्याल. सट्टेबाजीवर सध्या माफिया लोकांचे नियंत्रण आहे. तेच लोक पैसा लावतात. मॅच फिक्स करतात. जर सट्टेबाजी कायदेशीर केली तर त्यामुळे सरकारचे उत्पन्न वाढले.

वाचा-
ते म्हणाले की, मला आश्चर्य वाटेत की सरकारने देशात सट्टेबाजी कायदेशी केली नाही. याबाबत जनतेला शिक्षित करण्याची गरज आहे. सट्टेबाजीचा सध्या भयानक पद्धतीने वापर केला जातो. यातून अनियंत्रित पैसा कमवला जातो. स्पॉट फिक्सिंगची प्रकरणे होतात.

थरूर यांच्या मते सट्टेबाजीला कायद्याच्या चौकटीत आणून परवाना पद्धतीने नियंत्रणात ठेवले पाहिजे.