हरभजन सिंगने आज चेन्नई सुपर किंग्स संघाबरोबर यावर्षी आयपीएल न खेळण्याचा निर्णय घेतला आहे. यापूर्वी सुरेश रैनानेही यावर्षी आयपीएमध्ये खेळणार नसल्याचे जाहीर केले होते. पण हरभजनने आयपीएलला सोडचिठ्ठी देण्याचा निर्णय का घेतला, जाणून घ्या…

वाचा-

चेन्नईच्या संघाचा अनुभवी क्रिकेटपटू हरभजन सिंग हा १ सप्टेंबरपर्यंत आयपीएल खेळण्यासाठी युएईमध्ये दाखल होणार होता. पण १ सप्टेंबरला हरभजन युएईमध्ये पोहोचला नाही. त्यानंतर हरभजन काही दिवसांमध्ये चेन्नईमध्ये दाखल होईल, असे संघाकडून सांगण्यात आले होते. पण तसेही झाले नाही. त्यामुळेच हरभजनने चेन्नईच्या संघाला सोडचिठ्ठी दिली आहे.

हरभजन चेन्नईच्या संघातून यावर्षी खेळणार नाही, असे बऱ्याच वर्तमानपत्रांनी काही दिवसांपूर्वी म्हटले होते. हरभजन आज (१सप्टेंबर) दुपारी दुबईला रवाना होणार होता. पण त्याबाबत कोणतीही माहिती मिळू शकलेली नाही. त्याचबरोबर हरभजनच्या जवळच्या व्यक्तीने सांगितले होते की, चेन्नईच्या संघातील खेळाडूंना करोनाची बाधा झाली आहे. त्यामुळे हरभजन दुबईला जाण्याची तारीख बदलू शकतो किंवा यावर्षीच्या आयपीएमधून माघारही घेऊ शकतो, असे म्हटले गेले होते. पण आज अखेर हरभजन आयपीएल खेळणार नसल्याचे समोर आले आहे.

वाचा-

चेन्नईच्या संघातील १४ सदस्य करोना पॉझिटीव्ह सापडले होते. त्यानंतर सुरेश रैनाने तडकाफडकी शनिवारी संघाला सोडून भारतामध्ये येण्याचा निर्णय घेतला. त्यानंतर हरभजननेही आपला युएईला जायचा विचार बदलल्याचे पाहायला मिळाले. कारण शनिवारी २९ ऑगस्टला रैना भारतामध्ये परतला आणि त्यानंतर मंगळवारी हरभजनला युएईमध्ये पोहोचायचे होते. पण यावेळी कौटुंबिक कारण सांगत हरभजनने आयपीएलमधून माघार घेतल्याचे समजत आहे.

वाचा-

काही दिवसांपूर्वी हरभजनने एका जवळच्या व्यक्तीला आपण आयपीएल खेळणार नसल्याचे स्पष्ट केले होते. करोनामुळे सध्या आपण भारतात असून सुरक्षित आहोत, असे हरभजनने या जवळच्या व्यक्तीला सांगितले होते. त्यामुळे हरभजन युएईला जाणार नाही, हे तेव्हाच स्पष्ट झाले होते. पण त्यावर शिक्कामोर्तब मात्र होऊ शकले नव्हते.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here