वाचा-
चेन्नई हा आयपीएलमधील असा एकमेव संघ ठरला होता की, ज्यांच्या सदस्यांना करोनाची बाधा झाली होती. त्यामुळे चेन्नईच्या संघाबरोबर आयपीएलवरही काळे ढग जमा झाले होते. चेन्नईच्या संघातील एकूण १४ जणांना करोनाची बाधा झाली होती. यामध्ये १२ सपोर्ट स्टाफचे सदस्य आणि दोन खेळाडू होते. चेन्नईच्या संघातील सदस्यांना करोना झाल्यावर सुरेश रैना धाबरला होता आणि त्याने संघाला सोडत मायदेशी परतण्याचा निर्णय घेतला होता.
चेन्नईच्या संघासाठी ही गुरुवारची चाचणी फार महत्वाची होती. कारण संघातील सदस्यांना करोना झाल्यावर या चाचणीनंतर चेन्नईचे भवितव्य ठरणार होते. या करोनाच्या चाचणीमध्ये चेन्नईच्या संघातील सर्व सदस्य हे करोना निगेटीव्ह असल्याचे समोर आले आहे. चेन्नईच्या संघाबरोबरच आयपीएलसाठी ही आनंदाची बातमी आहे.
वाचा-
चेन्नईच्या सदस्यांचा करोना अहवाल निगेटीव्ह आला आणि त्यानंतर संघातील खेळाडूंनी सरावाला प्रारंभ केल्याचे पाहायला मिळाले. यावेळी नेट्समध्ये चेन्नईच्या संघातील खेळाडूंनी सराव केला. यावेळी संघाचा कर्णधार महेंद्रसिंग धोनीने नेट्समध्ये फलंदाजीचा सराव करत चांगलाच घाम गाळला. त्याचबरोबर अन्य खेळाडूंनीही आज पहिल्या सराव सत्रात कसून सराव केल्याचे पाहायला मिळाले.
चेन्नईच्या संघातील १४ सदस्य करोना पॉझिटीव्ह सापडले होते. त्यानंतर सुरेश रैनाने तडकाफडकी शनिवारी संघाला सोडून भारतामध्ये येण्याचा निर्णय घेतला. त्यानंतर हरभजननेही आपला युएईला जायचा विचार बदलल्याचे पाहायला मिळाले. कारण शनिवारी २९ ऑगस्टला रैना भारतामध्ये परतला आणि त्यानंतर मंगळवारी हरभजनला युएईमध्ये पोहोचायचे होते. पण यावेळी कौटुंबिक कारण सांगत हरभजनने आयपीएलमधून माघार घेतल्याचे समजत आहे.
वाचा-
काही दिवसांपूर्वी हरभजनने एका जवळच्या व्यक्तीला आपण आयपीएल खेळणार नसल्याचे स्पष्ट केले होते. करोनामुळे सध्या आपण भारतात असून सुरक्षित आहोत, असे हरभजनने या जवळच्या व्यक्तीला सांगितले होते. त्यामुळे हरभजन युएईला जाणार नाही, हे तेव्हाच स्पष्ट झाले होते. पण त्यावर शिक्कामोर्तब मात्र होऊ शकले नव्हते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
