सध्याच्या घडीला जगभरात करोना व्हायरसमुळे चिंतेचे वातावरण आहे. ज्या व्यक्तीला करोना होतो त्याला जास्त लोकं साथ देत नसल्याचे पाहायला मिळते. पण अशाच एका करोनाबाधित रुग्णासाठी सचिन तेंडुलकर धावून आल्याचे पाहायला मिळत आहे. क्रिकेटशी निगडीत असलेल्या एका व्यक्तीला करोना झाल्याचे निष्पन्न झाले होते. सचिन त्याच्या मदतीसाठी धावून गेला असून त्याचा हॉस्पिटलचा खर्चही सचिन उचलणार असल्याचे समोर आले आहे.

वाचा-

नामवंत क्रिकेटपटूंच्या बॅट दुरुस्त करणारे अश्रफ हे काही दिवसांपूर्वी मुंबईतील एका हॉस्पिटलमध्ये दाखल झालेले होते. त्यांना काही आठवड्यांपासून किडनीची समस्या होती. अश्रफ यांचे शुभचिंतक असलेले प्रशांत जेठमलानी हे अश्रफ यांच्यावर चांगले उपचार व्हावेत, यासाठी पैशांची जुळवाजुळव करत होते. पण त्यावेळी एकही क्रिकेटपटू अश्रफ यांच्या मदतीसाठी पुढे आलेला पाहायला मिळत नव्हते. काही जणांनी अश्रफ यांच्याकडून आपले काम करून घेतले आहे, पण त्यांना अजूनही पैसे दिलेले नाहीत. पण त्यानंतर सचिनने अश्रफ यांच्या मदतीसाठी धाव घेतल्याचे पाहायला मिळाले होते.

अश्रफ यांच्या वैद्यकीय खर्चाची जबाबदारी सचिनने घेतली होती. पण जेव्हा अश्रफ हे हॉस्पिटलमध्ये उपचार घेतल होते, तेव्हा त्यांना करोना झाल्याचे समजले. त्यामुळे आता अश्रफ यांना सेव्हन हिल्स हॉस्पिटलमध्ये सचिनच्या सांगण्यावरून दाखल करण्यात आले आहे आणि सचिन आता त्यांची काळजी घेत असल्याचेही समोर आले आहे.

सेव्हन हिल्स हॉस्पिटलच्या रेडियोलॉजी विभागाचे प्रमुख डॉक्टर भुजंग पाई यांनी पीटीआयशी बोलताना सांगितले की, ” अश्रफ यांना यापूर्वी चेंबुरच्या एका हॉस्पिटलमध्ये उपचारासाठी दाखल करण्यात आले होते. या हॉस्पिटलमध्ये अश्रफ यांना करोना झाल्याचे पाहायला मिळाले. त्यानंतर सचिन तेंडुलकरने माझ्याबरोबर बातचीत केली आणि त्यांना आमच्या हॉस्पिटलमध्ये दाखल करण्यास सांगितले. कारण आमच्या हॉस्पिटलमध्ये करोना व्हायरसचे उपचार करण्यासाठी सर्व सुविधा उपलब्ध आहेत.”

वाचा-

डॉक्टर भुजंग पाई यांनी पुढे सांगितले की, ” अश्रफ यांना आमच्या सेव्हन हिल्स हॉस्पिटलमध्ये सचिनच्या सांगण्यावरून दाखल करण्यात आले आहे. अश्रफ जेव्हा चेंबुरच्या हॉस्पिटलमध्ये होते तेव्हादेखील सचिनने त्यांची मगत केली होती. सचिनने अश्रफ यांच्या उपचारासाठी आर्थिक स्वरुपात आपले योगदान दिले होते. त्याचबरोबर त्यांची काळजीही घेतली होती. सध्याच्या घडीला अश्रफ यांच्यावर आम्ही उपचार करत आहोत आणि ते आमच्या देखरेखीखाली आहेत.”

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here