वाचा-
आयपीएलमधील चेन्नईचा संघ यशस्वी संघांपैकी एक आहे. कारण धोनीने आतापर्यंत चेन्नईच्या संघाला तीन जेतेपदं मिळवून दिली आहेत. धोनीने गेल्या महिन्यात आंतरराष्ट्रीय क्रिकेटमधून आपली निवृत्ती जाहीर केली होती. त्यानंतर धोनीने आता चेन्नईच्या भावी कर्णधाराचा शोध घ्यायला सुरुवात केली असल्याचे म्हटले जात आहे.
धोनी आता जास्तीत जास्त २-३ वर्षे आयपीएल खेळेल, असे म्हटले जात आहे. पण त्यानंतर चेन्नईचे नेतृत्व कोण सांभाळणार, याची जोरदार चर्चा सुरु झाली आहे. धोनीलाही ही गोष्ट चांगलीच माहिती आहे. त्यामुळेच धोनीने आता चेन्नईच्या भावी कर्णधाराचा शोध घ्यायला सुरुवात केली आहे.
वाचा-
धोनी हा चेन्नईच्या संघाचा कर्णधार आहे, तर सुरेश रैनाकडे संघाचे उपकर्णधारपद होते. पण रैनाने आता आयपीएलमधून माघार घेतली आहे, तो संघात कधी परतेल, हे सांगता येणार नाही. पण आता आपल्यानंतर चेन्नईच्या संघाची धुरा कोण सांभाळणार, याची काळजी धोनीला आहे. रैना हा संघाचे मालक एन. श्रीनिवासन यांना आपल्या मुलासारखाच आहे. त्यामुळे रैना पुन्हा संघात परतू शकतो, असे म्हटले जात आहे. संघात परतल्यावर रैनाकडे संघाचे उपकर्णधारपद जाऊ शकते. त्याचबरोबर धोनी खेळणार नसेल तर संघाचे नेतृत्व रैनाकडे सोपवण्यात येऊ शकते.
वाचा-
याबाबत चेन्नईच्या संघाचा अनुभवी अष्टपैलू खेळाडू ड्वेन ब्राव्होने सांगितले की, ” प्रत्येक खेळाडू हा कधी ना कधी निवृत्त होत असतो. पण आपण निवृत्त होत असताना संघाचे भवितव्य काय असेल, याचाही विचार करावा लागतो. चेन्नईचा कर्णधार महेंद्रसिंग धोनी हा सध्याच्या घडीला असाच विचार करत असेल. कारण काही वर्षांमध्ये धोनी आयपीएलमधून निवृत्त होईल, त्यानंतर चेन्नईच्या संघाचे नेतृत्व कोण करणार, याची उत्सुकता सर्वांना असेल. धोनीच्या मनातही ही गोष्ट नक्कीच आहे. मला वाटतं की, सुरेश रैना किंवा एखाद्या युवा खेळाडूवर ही जबाबदारी सोपवण्यात येईल.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
