अपात्र ठरवल्यानंतर जोकोविच भानावर; 'मी चूकलो, माफ करा!'

न्यूयॉर्क: टेनिस स्पर्धेतून जागतिक क्रमवारीतील अव्वल क्रमांकाचा खेळाडू नोवाक जोकोविचला अपात्र ठरवण्यात आले. अशा पद्धतीने अपात्र होणारा तो तिसरा खेळाडू ठरला आहे. रागाच्या भरात त्याने चूकून चेंडू एका लाइन पंच असलेल्या महिलेला मारला. ही घटना रविवारी चौथ्या फेरीतील सामना सुरू असताना झाली.

वाचा-
जोकोविचला अपात्र ठरवल्यामुळे त्याच्या सलग २९ सामन्यातील अपराजयाचा विजय रथ रोखला गेला. त्याच बरोबर १८वे ग्रॅड स्लॅम विजेतेपद मिळवण्याचे त्याचे स्वप्न हुकले.

वाचा-
रविवारी सर्बियाचा जोकोविच आणि स्पेनचा पाब्लो करेनो बुस्टा यांच्यात सामना सुरू होता. बुस्टाविरुद्धच्या लढतीत जोकोविच पहिल्या सेटमध्ये ५-६ अशा पिछाडीवर होता. तेव्हा त्याने रागाच्या भरात चेंडू मारला. जो एका कोर्टवर उभ्या असलेल्या एका महिला अधिकाऱ्याला लागला आणि त्या खाली पडल्या. महिलेला चेंडू लागल्याची चूक लक्षात आल्यावर जोकोविच तातडीने त्याच्याकडे केला. संबंधित महिला अधिकाऱ्याला श्वास घेण्याचा त्रास होत होता. काही मिनिटांनी त्या तेथून निघून गेल्या. या घटनेनंतर रेफरी सोरन फ्रीमल यांनी अंपायरशी १० मिनिटे चर्चा केली आणि जोकोविचचा प्रतिस्पर्धी बुस्टाला विजयी घोषित करण्यात आले.

या घटनेनंतर जोकेविच मान खाली घालून मैदानाबाहेर केला. कोर्टवर झालेल्या घटनेवर त्याने सोशल मीडियावर एक पोस्ट शेअर केली आहे. तो म्हणतो, या पूर्ण घटनेवर मी दु:खी आहे. मी लाइन पर्सनशी बोललो आणि अधिकाऱ्यांनी मला सांगितले की त्या ठिक आहेत. माझ्यामुळे त्यांना झालेल्या दु:खा बद्दल वाइट वाटते. पण मी मुद्दाम असे केले नाही. जे झाले ते चूकीचे होते. माझ्यावर अपात्रतेची कारवाई करण्यात आली. यावर आता मला विचार करावा लागले आणि स्वत:च्या निराशेवर काम करावे लागेल. एक चांगला खेळाडू आणि व्यक्ती होण्यासाठी प्रेरणा म्हणून त्याचा वापर करावा लागेल.

अमेरिकन ओपन आणि त्याच्याशी संबंधित सर्व व्यक्तींकडे मी यासाठी माफी मागतो. तसेच माझ्या संघातील सहकारी आणि समर्थकांचे आभार मानतो. धन्यवाद आणि आय एम सॉरी!

या घटनेवर बोलताना जोकोविचचा प्रतिस्पर्धी बुस्टा देखील म्हणाला, ही घटना धक्कादायक होती. तो कोणाशी काहीही न बोलता बाहेर गेला. पण नियम तो नियम… रेफरींनी जो निर्णय घेतला तो योग्य होता. ही सोपी गोष्ट नव्हती.

रॉजर फेडरर आणि राफेल नडाल या दोघांनी स्पर्धेतून माघार घेतल्याने या वर्षी अमेरिकन ओपनच्या विजेतेपदाचा मुख्य दावेदार जोकोविच मानला जात होता. जोकेविचने आतापर्यंत १७ ग्रॅल स्लॅम स्पर्धेचे विजेतेपद मिळवले आहे. तर फेडररने २० आणि नडालने १९ विजेतेपद मिळवली आहेत.

ग्रॅड स्लॅम स्पर्धेत अपात्र होणारा जोकोविच जगातील तिसरा खेळाडू ठरला आहे. याआधी १९९० साली जॉन मॉकेनरोला ऑस्ट्रेलियन ओपन आणि २००० साली स्टफान कोबेके याला फ्रेंच ओपनमधून अपात्र करण्यात आले होते.