वाचा-
आतापर्यंत आयपीएलमध्ये एकाही फलंदाजाला द्विशतक झळकावता आलेले नाही. आतापर्यंत आयपीएलमध्ये सर्वाधिक धावांची खेळी ही तुफानी फलंदाजी करणाऱ्या ख्रिस गेलने साकारली आहे. ख्रिस गेलने २०१३ साली आरसीबीच्या संघातून खेळताना १७५ धावांची झंझावाती खेळी साकारली होती. पण आतापर्यंत एकाही फलंदाजाला आयपीएलमध्ये द्विशतक झळकावता आलेले नाही.
आयपीएलमध्ये एक फलंदाज असा आहे की तो एकहाती सामना फिरवू शकतो. आतापर्यंत त्याने बऱ्याचदा ही गोष्ट करून दाखवली आहे. तो फलंदाज आहे कोलकाता नाइट रायडर्स संघाचा आंद्रे रसेल. कोलकाताच्या संघाचे प्रशिक्षक डेव्हिड हसी यांना विश्वास आहे की, रसेल हा आयपीएलमध्ये द्विशतक झळकावू शकतो.
वाचा-
याबाबत हसी म्हणाले की, ” कोलकात्याच्या संघात आंद्रे रसेल हा वादळी खेळी साकारणारा फलंदाज आहे. आतापर्यंत त्याने झंझावाती खेळी साकारल्या आहेत. पण तो फलंदाजीमध्ये ५-७ या क्रमांकावर फलंदाजीला येतो. त्यामुळे त्याला जास्त चेंडू खेळायला मिळत नाहीत. जर रसेल हा पहिल्या तीन फलंदाजांच्या जागी खेळायला आला तर तो आयपीएलमध्ये द्विशतकही झळकावू शकतो.”
हसी पुढे म्हणाले की, ” रसेल जर तिसऱ्या क्रमांकावर फलंदाजी करायला आला आणि त्याला जर ६० चेंडू खेळायला मिळाले तर तो द्विशतक साजरे करू शकतो. गेल्या वर्षी रसेलने १३ डावांमध्ये ५६.६६ च्या सरासरीने ५१० धावा केल्या होत्या. रसेल जर ५-७ क्रमांकावर येऊ एवढ्या धावा करू शकतो, तर तो तिसऱ्या क्रमांकावर फलंदाजीला आला तर तो द्विशतकही पूर्ण करू शकतो.”
Sports News in Marathi: Latest Marathi News on Cricket, Football, Tennis, Hockey & more | Maharashtra Times
