करोना चाचण्या निगेटीव्ह आल्यानंतर दीपकला बायो बबल तंत्रज्ञानामध्ये बुधवारी प्रवेश देण्यात आला होता. त्यानंतर आतापर्यंत दीपकची प्रकृती उत्तम आहे. त्यामुळेच त्याला आता चेन्नईच्या संघाबरोबर सराव करण्याची परवानगी बीसीसीआयने दिली आहे.
याबाबत चेन्नईच्या संघाचे मुख्य कार्यकारी अधिकारी काशी विश्वनाथ यांनी सांगितले की, ” दीपक चहर हा आता पूर्णपणे फिट फिट झालेला आहे. त्याची त्याच्या करोना चाचण्याही निगेटीव्ह आलेल्या आहेत. त्यामुळे बीसीसीआयने त्याला संघाबरोबर सराव करण्याची परवानगी दिली आहे. त्यामुळे आजपासून दीपक हा संघातील खेळाडूंबरोबर सराव करणार आहे.”
चेन्नईच्या संघातील एकूण १४ जणांना करोना झाला होता, त्यामध्ये दीपक चहर आणि ऋतुराज गायकवाड या दोन खेळाडूंचाही समावेश होता. यापैकी दीपक आता पूर्णपणे फिट झालेला आहे, पण महाराष्ट्राचा ऋतुराज कधी मैदानात दिसणार, याची चाहत्यांना उत्सुकता आहे. चेन्नई सुपर किंग्सच्या संघातील करोना झालेला वेगवान गोलंदाज दीपक चहर हा आता पूर्णपणे फिट झाला आहे. दीपकने सरावही सुरु केला आहे. त्यामुळे आता दीपक मुंबई इंडियन्सविरुद्धच्या सलामीच्या लढतीमध्येही दिसू शकतो. कारण या पहिल्या लढतीसाठी दीपक सज्ज झाल्याचे पाहायला मिळत आहे. दीपक आता फिट झालेला पण महाराष्ट्राचा ऋतुराज कधी फिट होणार, हे ऐकण्यासाठी चाहते उत्सुक आहेत.
करोना झाल्यावर दीपकला १४ दिवस क्वारंटाइन करण्यात आले होते. त्याची करोना चाचणी निगेटीव्ह आलेली होती. त्याचबरोबर या सर्व गोष्टींमधून दीपक सावरलेला आहे. पण यामधून ऋतुराजला बाहेर पडायला काही दिवसांचा अवधी लागेल, असे म्हटले जात आहे. कारण अजून ऋतुराजच्या दोन करोना चाचण्या बाकी आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
