बलात्काराच्या धमकीनंतर क्रिकेटपटूच्या पत्नीची कोर्टात धाव; मागितली सुरक्षा

नवी दिल्ली: भारताचा जलद गोलंदाज मोहम्मद शमीची पत्नी हसीना जहाँने कोलकाता उच्च न्यायालयात याचिका दाखल केली आहे. हसीनाने न्यायालयाकडे याचिका दाखल करून अतिरिक्त सुरक्षा देण्याची मागणी केली आहे. गेल्या काही वर्षांपासून हसीना आणि शमी यांच्यात वाद सुरू असेल्यामुळे ते वेगवेगळे राहतात. हसीना तिच्या सोशल मीडियावरील पोस्टमुळे नेहमी चर्चेत असते.

वाचा- म्हणाले…

एएनआय वृत्तसंस्थेने दिलेल्या वृत्तानुसार, हसीनाने कोलकाता उच्च न्यायालयात याचिका दाखल केली आहे. या याचिकेत हसीनाने स्वत:साठी आणि मुलीसाठी सुरक्षा मागितली आहे. हसीनाने आरोप केला आहे की ९ ऑगस्ट रोजी तिने पोलिसांत तक्रार दाखल केली होती. पण त्यावर कोणत्याही प्रकारची कारवाई केली गेली नाही.

वाचा-

हसीनाने काही दिवसांपूर्वी राम मंदिराच्या निर्मितीसंदर्भात सोशल मीडियावर एक पोस्ट शेअर केली होती. त्यानंतर काही युझर्सनी तिला बलात्काराची धमकी दिली होती. हसीनाच्या दाव्यानुसार या पोस्टनंतर तिला अनेक जण धमकी देत आहेत. याची तक्रार पोलिसात केली होती.

हसीनाच्या याचिकेवर पुढील आठवड्यात सुनावणी होऊ शकते. याआधी हसीनाने मी पश्चिम बंगालमध्ये असल्याने सुरक्षित आहे. जर उत्तर प्रदेशमध्ये असती तर काही चुकीचे घडले असते अशी प्रतिक्रिया दिली होती. अयोध्येत राम मंदिरासाठीचे भूमीपूजन झाल्यानंतर हसीनाने सर्वांना शुभेच्छा दिल्या होत्या. पण त्यानंतर काही कट्टरवाद्यांनी तिला धमकी दिली होती.

सोशल मीडियावर हसीनाला फोटो आणि व्हिडिओवरून नेहमी ट्रोल केले जाते. पण यावेळी तिला थेट बलात्काराची धमकी दिली. त्यानंतर हसीनाने पंतप्रधान नरेंद्र मोदी आणि गृहमंत्र्यांकडे मदत मागितली होती. ती सध्या पश्चिम बंगालमध्ये राहते.