चेन्नईच्या सोडचिठ्ठी दिलेल्या सुरेश रैनाची जागा कोणता खेळ घेऊ शकतो, हा प्रश्न होता. पण कर्णधार महेंद्रसिंग धोनीने आता एक मास्टर स्ट्रोक लगावला आहे आणि रैनाच्या जागी कोणता अनुभवी खेळाडू तिसऱ्या क्रमांकावर फलंदाजीला येऊ शकतो, याची तयारी धोनीने केलेली आहे.
तिसऱ्या क्रमांकावर येणारा फलंदाज हा अनुभवी असायला हवा, कारण तोच संघाच्या धावसंख्येला चांगला आकार देत असतो. काही दिवसांपूर्वी फॅफ ड्यू प्लेसिस आणि अंबाती रायुडू यांची नावं तिसऱ्या क्रमाकांसाठी पुढे येत होती. पण आता धोनीने वेगळाच विचार केल्याचे समजत आहे. कारण या दोघांना तिसऱ्या क्रमांकावर न पाठवता धोनी एक चाल खेळणार आहे.
धोनी हा फिनिशर असला तरी संघाची जबाबदारी त्याच्याकडे आहे. त्यामुळे सुरेश रैनाच्या तिसऱ्या क्रमांकावर स्वत: धोनी फलंदाजीला येऊ शकतो, असे आता म्हटले जात आहे. धोनी फलंदाजीला आल्यावर काही काळ स्थिरस्थावर व्हायला घेतो आणि त्यानंतर जोरदार फटकेबाजी करतो. त्यामुळे धोनी आता चेन्नईसाठई तिसऱ्या क्रमांकावर फलंदाजीला येऊन सर्वांनाच धक्का देण्याच्या तयारीत आहे.
धोनी हा एक चाणाक्ष कर्णधार आहे. त्यामुळे तो या आयपीएलमध्ये प्रतिस्पर्धी संघांना धक्के देतच राहील. त्यामुळे तो प्रत्येकवेळी तिसऱ्या क्रमांकावर फलंदाजीला येईलच असे नाही. पण मुख्यत्वेकरून तिसऱ्या क्रमांकाची जबाबदारी ही धोनीवरच असेल, असे आता दिसते आहे. धोनी जर तिसऱ्या क्रमांकावर फलंदाजीला आला तर त्याला जास्त चेंंडू खेळायला मिळतील, त्याचबरोबर मैदाना राहून डावाची आखणीही त्याला करता येईल. त्यामुळे धोनीने तिसऱ्या क्रमांकावर फलंदाजीला यायचा निर्णय घेतला असावा, असे म्हटले जात आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
