वाचा-
आयपीएलमधील दिल्ली कॅपिटल्स या संघाचा कर्णधार आहे श्रेयस अय्यर. दिल्लीचा संघ श्रेयसला सात कोटी रुपये एवढे मानधन देते. पण श्रेयसपेक्षा दुप्पटीपेक्षा जास्त मानधन हे संघातील यष्टीरक्षक-फलंदाज रिषभ पंतला मिळत असल्याचे पाहायला मिळाले आहे. कारण रिषभला दिल्लीचा संघ १५ कोटी रुपये एवढे मानधन देतो. ही रक्कम आयपीएलमधील सर्वोत्तम कर्णधार असलेल्या रोहित शर्मा आणि महेंद्रसिंग धोनी यांच्याएवढी आहे. कारण रोहित आणि धोनी यांनाही १५ कोटी एवढे मानधन संघाकडून मिळते.
वाचा-
किंग्स इलेव्हन संघाचा माजी कर्णधार ला यावेळी दिल्लीच्या संघाने आपल्या ताफ्यात घेतलेले आहे. या हंगामात लिलावाच्यावेळी अश्विनला दिल्लीच्या संघाने ७.६० कोटी एवढी रक्कम मोजत आपल्या ताफ्यात सामील केले होते. ही रक्कमही कर्णधार श्रेयस अय्यरपेक्षा जास्त आहे. दिल्लीच्याच संघातील धडाकेबाज वेस्ट इंडिजचा फलंदाज शेमरॉन हेटमायरलाही कर्णधारापेक्षा जास्त मानधन मिळाल्याचे पाहायला मिळत आहे. कारण हेटमायरला दिल्लीच्या संघाने ७.७५ कोटी रुपये मोजत आपल्या ताफ्यात सहभागी करून घेतले आहे.
कोलकाता नाइट राइडर्सने गेल्यावर्षी ऑस्ट्रेलियाचा वेगवान गोलंदाज पॅट कमिन्सला आपल्या संघात सहभागी करून घेतले होते. त्यावेळी लिलावात कोलकाता नाइट राइडर्स संघाचे कमिन्सवर सर्वाधिक १५.५० कोटी रुपयांची बोली लावली होती. या बोलीसह कोलकाता नाइट राइडर्सने कमिन्सला आपल्या संघात स्थान दिले होते. पण ही रक्कम संघाचा कर्णधार दिनेश कार्तिकला मिळणाऱ्या मानधनापेक्षा जास्त आहे. कारण कोलकाता नाइट राइडर्स संघाने ७.४० कोटी रुपये कर्णधार कार्तिकला देत असल्याचे पाहायला मिळाले आहे.
वाचा-
कोलकाता नाइट राइडर्समधील वेस्ट इंडिजचा धडाकेबाज फलंदाज आंद्रे रसेलला यावर्षीच्या आयपीएलमध्ये ८.५० कोटी रुपये मिळणार असल्याचे समजते आहे. कारण रसेलने गेल्यावर्षी झालेल्या आयपीएलमध्ये नेत्रदीपक कामगिरी केली होती. त्यामुळे रसेलला यावर्षी जास्त मानधन कोलकाता नाइट राइडर्स देणार असल्याचे समजते. ही रक्कम कर्णधार कार्तिकला मिळणाऱ्या मानधनापेक्षा नक्कीच जास्त आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
