मुंबई इंडियन्सविरुद्धच्या पहिल्याच सामन्यात धोनीने दोन झेल पकडले. धोनीने या सामन्यात किरॉन पोलार्डचा झेल पकडला, त्याला १८ धावा करता आल्या. त्याचबरोबर धोनीने या सामन्यात कृणाल पंड्याचाही झेल पकडला. या दोन झेल पकडत धोनीने आतापर्यंतच्या आयपीएलमध्ये कॅचेसचे शतक पूर्ण केले.
हा मोसम सुरु होण्यापूर्वी चेन्नईविरुद्ध मुंबईकडून सर्वाधिक धावा करणारा फलंदाज हा रोहितंच ठरला होता. आतापर्यंच्या चेन्नईविरुद्धच्या सामन्याच रोहितने ६४६ धावा केल्या आहेत. आतापर्यंत मुंबईच्या एकाही खेळाडूला चेन्नईविरुद्ध एवढ्या धावा करता आलेल्या नाहीत. या सामन्यात रोहितला १२ धावाच करत आल्या. त्यामुळे आतापर्यंत चेन्नईविरुद्ध रोहितच्या ६५८ धावा झाल्या आहेत. आतापर्यंत मुंबई इंडियन्सविरुद्धच्या सामन्यात धोनीने ६२७ धावा केल्या आहेत. त्यामुळे धोनीने या सामन्यात जर ३२ धावा केल्या तर तो रोहितचा विक्रम मोडू शकतो. प्रतिस्पर्धी संघातील पहिला सर्वाधिक धावांचा विक्रम यापुढे धोनीच्या नावावर होऊ शकतो.
या हंगामातील पहिल्याच सामन्यात मुंबईने युएईमधील सर्वाधिक धावा रचण्याचा विक्रम केला आहे. चेन्नईविरुद्धच्या पहिल्याच सामन्याच मुंबईच्या संघाने १६२ धावा केल्या आणि आपलाच युएईमधील विक्रम मोडीत काढल्याचे पाहायला मिळाले.
पहिल्याच सामन्यात मुंबईने सर्वाधिक धावसंख्या केल्याचे पाहायला मिळाले. यापूर्वी २०१४ साली युएईमध्ये झालेल्या आयपीएलमध्ये मुंबईच्या संघाने सनरायझर्स हैदराबाद संघाविरुद्ध १५७ धावा केल्या होत्या. आतापर्यंतची हीच मुंबईची युएईमधील सर्वाधिक धावसंख्या होती. पण या सामन्यात मात्र मुंबईने १६२ धावा केल्या आणि आपलाच पूर्वीच विक्रम मोडीत काढला.
आयपीएलच्या पहिल्याच लढतीत मुंबई इंडियन्सने चेन्नई सुपर किंग्सच्या संघाला १६३ धावांचे आव्हान दिल्याचे पाहायला मिळत आहे. कारण आतापर्यं युएईमध्ये झालेल्या सामन्यांमध्ये सरासरी १४०-१५० धावा होता होत्या. या सामन्यात मुंबईने दिलेले आव्हान चेन्नईसाठी नक्की धोक्याचे ठरू शकते, असे म्हटले जात आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
