४००च्या क्लबमध्ये जाणार का विराट संघातील हा खेळाडू; आज विक्रमाची संधी

नवी दिल्ली: आयपीएलच्या १३व्या हंगामातील तिसरी लढत आज रॉयल चॅलेंजर्स बेंगळुरू विरुद्ध सनरायजर्स हैदराबाद यांच्यात होत आहे. दोन्ही संघात स्टार फलंदाज आहेत. त्यामुळे पहिल्या दोन लढतीप्रमाणे ही लढत देखील चुरशीची होईल यात शंका नाही. विराटच्या संघाने अद्याप एकदाही विजेतेपद मिळवले नाही. त्यामुळे यंदा विराट यासाठी मैदानात उतरेल.

वाचा-
हैदराबादविरुद्धच्या सामन्यात बेंगळुरुच्या एबी डिव्हिलियर्सला एका खास क्लबमध्ये सहभागी होण्याची संधी आहे. एबीला टी-२० प्रकारात ४०० षटकार पूर्ण करण्याची संधी आहे. त्याने टी-२० मध्ये आतापर्यंत ३९७ षटकार मारले आहेत. ४०० षटकारासाठी त्याला फक्त ३ षटकारांची गरज आहे.

वाचा-
एबीने ३१० टी-२० सामन्यात ३९७ षटकार मारले आहेत. या सामन्यात जर त्यांने मोठी खेळी केली तर ४०० षटकारांचा टप्पा पूर्ण करू शकतो.

वाचा-
टी-२० क्रिकेटच्या इतिहासात सर्वाधिक षटकार मारण्याचा विक्रम ख्रिस गेलच्या नावावर आहे. गेलने ४०४ सामन्यात ९७८ षटकार मारले आहेत. दुसऱ्या क्रमांकावर कायरन पोलार्ड आहे. त्याने ६७३ षटकार मारले आहेत. तिसऱ्या क्रमांकावर ब्रॅडन मॅकलम असून त्याने ४८५, तर शेन वॉटसन ४५४ षटकारांसह चौथ्या स्थानावर आहे. आंद्रे रसेलने ४४१ षटकार मारले आहेत. तर एबी या यादीत सहाव्या स्थानावर आहे.

वाचा-
आयपीएलमधील सर्वाधिक षटकारांचा विचार केल्यास गेल अव्वल स्थानी आहे. त्याने ३२६ षटकार मारले आहेत. एबी २१२ षटकारांसह दुसऱ्या स्थानावर आहे. धोनीने २०९ षटकार मारले आहेत. मुंबईचा कर्णधार रोहित शर्मा १९४ षटकारांसह चौथ्या तर सुरेश रैना इतक्याच षटकारांसह पाचव्या स्थानावर आहे.