गेल्या सामन्यात चेन्नईचा फिरकीपटू पीयुष चावला हा सर्वात जास्त महागडा गोलंदाज ठरला होता. राजस्थानच्या संजू सॅमसने पीयुषच्या गोलंदाजीचा चांगलाच समाचार घेतला होता. त्यामुळे या सामन्यात पीयुष चावलाला वगळण्यात येऊ शकते. जर या सामन्यात पीयुष खेळणार नसेल तर त्याच्या जागी अनुभवी फिरकीपू इम्रान ताहिरला संधी देण्यात येऊ शकते.
गेल्या सामन्यात धोनीवरही जोरदार टीका झाली होती. त्यामुळे या सामन्यात धोनी सातव्या क्रमाकांवर फलंदाजीला येण्यापेक्षा थोडा लवकर फलंदाजीला येऊ शकतो. धोनी या सामन्यात सॅम कुरनच्या जागी चौथ्या किंवा पाचव्या क्रमाकांवर फलंदाजीला येऊ शकतो, असे म्हटले जात आहे. धोनी लकर येऊ कशी फलंदाजी करतो, याकडेच चाहत्यांचे लक्ष असेल.
राजस्थानविरुद्धच्या लढतीत धोनी सातव्या क्रमांकावर फलंदाजीला आला. सॅम करन, ऋतूराज गायकवाड यांना त्याने आपल्याआधी संधी दिली. मात्र त्याच्या या डावपेचांवर टीका झाली. धोनी आधी फलंदाजीला आला असता, तर अनुभवी फलंदाज फाफ डूप्लेसिसवरील अतिरिक्त ताण कमी झाला असता. धोनीने त्याच लढतीत अखेरच्या षटकांत षटकारांची आतषबाजी केली होती. तो आधीच फलंदाजीला आला असता, तर लढतीचा निकाल वेगळा लागला असता, असे जाणकार आणि त्याच्या पाठिराख्यांना वाटले होते.
दिल्लीने पंजाबवर मात करत सुरुवात छान केली; पण अश्विनचा खांदा दुखावला असून तो चेन्नईविरुद्ध खेळेल की नाही, याबाबत सध्या तरी अनिश्चितता आहे. गुरुवारच्या सरावाला अश्विन येणार होता. तिथे फिझिओ पॅट्रिक फरहार्त त्याची तपासणी करून योग्य तो निर्णय देणार होता. अशी माहिती दिल्लीचा क्षेत्ररक्षणाचा प्रशिक्षक मोहम्मद कैफने दिली. अश्विन खेळला नाही, तर सीनियर स्पिनर अमित मिश्रला अक्षर पटेलसह संधी मिळू शकते. आतापर्यंत मिश्राने आयपीएलमध्ये दमदार कामगिरी केली आहे. त्याचबरोबर आयपीएलमधील सर्वात जास्त हॅट्रिक्सही मिश्राच्या नावावर आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
