दिल्लीने पहिल्या सामन्यात पंजबवर सुपर ओव्हरमध्ये विजय मिळवला होता. तर कालच्या चेन्नईवरील विजयामुळे त्यांचे ४ गुण झाले आहेत. या विजयासह ते गुणतक्त्यात अव्वल स्थानी पोहोचले आहेत. आतापर्यंत खेळलेल्या दोन्ही सामन्यात दिल्लीने विजय मिळवल आहे. तर चेन्नईने सर्वाधिक ३ सामने खेळले असून त्यांना फक्त एकाच सामन्यात विजय मिळवता आलाय.
वाचा-
गुणतक्त्यात दिल्ली जरी अव्वल स्थानी असली तरी सरासरीचा विचार करता दुसऱ्या स्थानावर असेलल्या किंग्ज इलेव्हन पंजाबचा संघ आघाडीवर आहे. त्यांची सरासरी +२.४२५ इतकी आहे. तर दिल्लीची +१.१०० इतकी आहे. दोन गुणांसह तिसऱ्या स्थानावर मुंबई असून त्यांची सरासरी +०.९९३ इतकी आहे.
राजस्थान रॉयल्स दोन गुण आणि +०.८०० सरासरीसह चौथ्या, चेन्नई दोन गुण आणि -०.८४० सरासरीसह पाचव्या, रॉयल चॅलेंजर्स बेंगळुरू २ गुण आणि -२.१७५ सरासरीसह सहाव्या, हैदराबाद -०.५०० सरासरीसह सातव्या तर कोलकाता नाइट रायडर्स -२.४५० सरासरीसह आठव्या स्थानावर आहेत. कोलकाता आणि हैदराबाद संघाला अद्याप एकही विजय मिळवता आला नाही.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
