दुबई: आयपीएलचे तीनवेळा विजेतेपद मिळवणाऱ्या ( )ने या वर्षी सलग दोन सामन्यात पराभव झाला आहे. चेन्नई संघाने स्पर्धेतील पहिल्याच सामन्यात गतविजेत्या मुंबई इंडियन्सचा पराभव केला होता. पण त्यानंतर राजस्थान रॉयल्स आणि दिल्ली कॅपिटल्सने त्यांचा पराभव केला. दिल्लीने प्रथम फलंदाजीकरत ३ बाद १७५ धावसंख्या उभी केली. उत्तरादाखल चेन्नईला ७ बाद १३१ धावा करता आल्या. राजस्थानने तर चेन्नईपुढे २१७ धावांचे लक्ष्य दिले होते. तेव्हा चेन्नईने २०० पर्यंत मजल मारली होती.

वाचा-
आयपीएल २०२०ची ही सुरुवात असली तर चेन्नई संघात अनेक त्रूटी दिसत आहेत. येणाऱ्या काही सामन्यात त्यांना त्यावर मात करावी लागले. जाणून घेऊयात धोनीच्या पराभवाची पाच कारणे…

१) प्रथम गोलंदाजीचा निर्णय: चेन्नई सुपर किंग्जने तिनही सामन्यात टॉस जिंकून प्रथम गोलंदाजी करण्याचा निर्णय घेतला आहे. धोनीचा असा अंदाज होता की नंतर मैदानावर दव पडते आणि फलंदाजी करणे सोपे होते. चेंडू सहजपणे बॅटवर येतो. त्याच शिवाय विरुद्ध संगाच्या फिरकीपटूंना चेंडूवर ग्रिप मिळवणे अवघड होते. पण गेल्या दोन सामन्यात धोनीचा हा अंदाज चुकला. दिल्लीच्या फिरकीपटूंनी अचूक गोलंदाजी केली. इतक नव्हे तर धावा करण्यात चेन्नईला दबावात आणले. या शिवाय आयपीएलमध्ये आतापर्यंत झालेल्या सामन्यातील फक्त पहिल्या सामन्याचा अपवाद वगळात अन्य सर्व सामन्यात प्रथम फलंदाजी करणारा संघ विजयी झाला आहे. युएईमध्ये खेळपट्टी धिम्या स्वरुपाची आहे. त्यामुळे एका डावानंतर फलंदाजी करणे फार अवघड होऊन जाते. आतपर्यंत झालेल्या सामन्यानुसार प्रथम फलंदाजी करणारा संघ फायद्यात दिसून आला आहे.

वाचा-

२) सलामीच्या फलंदाजांची सुमार कामगिरी: धोनीने दुसऱ्या पराभवानंतर सांगितले की, संघाला सुरुवातीला चांगली धावसंख्या उभी करता आली नाही. शेन वॉट्सन आणि मुरली विजय ४.२ षटकात फक्त २३ धावा करू शकले. या दोघांनी मोठे शॉट खेळले नाहीत. संघात फक्त फाफ डुप्लेसिसवर अवलंबून असल्याचे चित्र दिसत आहे. पॉवरल प्लेमध्ये दिल्लीने ३६ धावा केल्या तर चेन्नईने ३४ धावात दोन विकेट गमावल्या.

३) फिरकीपटूची कामगिरी: दिल्लीच्या फिरकीपटूंनी अचूक गोलंदाजी केली आणि चेन्नईला धावा करू दिल्या नाहीत. अक्षर पटेलने चार षटकात १८ धावा तर अमित मिश्राने २३ धावा दिल्या. त्यात धोनीची एक चूक आली जेथे ऋतुराज गायकवाडला फलंदाजीला पाठवले तेथे डाव्या हाताच्या फलंदाजाला पाठवले असते तर फायदा झाला असता. धोनीकडे सॅम करन आणि रविंद्र जडेजा असे पर्याय होते.

४) अखेरच्या षटकासाठी अधिक धावांचा पाठलाग करणे : चेन्नईला अखेरच्या पाच षटकात जवळपास ८० धावांची गरज होती. चेन्नई संघाने अशी कामगिरी अनेकवेळा केली आहे. विशेषत: धोनी पुन्हा अशी कामगिरी करू शकतो हे दिल्लीने ओळखल्यामुळे त्यांनी अखेरच्या षटकासाठी कगिसो रबाडा राखून ठेवले होते. राजस्थानविरुद्ध देखील चेन्नईने असेच केले होते.

५) धोनीचे खालच्या क्रमांकावर येणे: धोनी सातत्याने सातव्या क्रमांकावर फलंदाजीला येत आहे. यावर अनेकांनी टीका केली आहे. तरी त्याच्या म्हणण्यानुसार प्रयोग सुरू आहेत. त्याच बरोबर धोनीने गेल्या काही काळापासून फलंदाजी केली नाही. त्यामुळे तो खालच्या क्रमांकावर येत आहे. पण कोणताही सामन्यात स्वत:ला मागे ठेवून जिकता येत नाही. धोनी मधळ्या फळीत आला तर विरुद्ध संघावर मानसिक दबाव वाढू शकतो. धोनीने वरच्या क्रमांकावर यावे आणि जबाबदारी घ्यावी, असे मत अनेकांनी व्यक्त केले आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here