सनरायझर्स हैदराबादच्या संघाला शनिवारी कोलकाता नाईट रायडर्सकडून पराभव पत्करावा लागला. या पराभवानंतर हैदराबादचा कर्णधार डेव्हिड वॉर्नर हा चांगलाच भडकलेला पाहायला मिळाला. हा सामना हैदराबादने का गमावला, हे तर वॉर्नरने सांगितले, पण त्याचबरोबर या सामन्यातील दोषी खेळाडूचे नावही वॉर्नरने सर्वांसमोर आणले आहे. कोण आहे हैदराबादचा हा दोषी खेळाडू पाहा…

वाचा-

शनिवारच्या सामन्यात हैदराबादचा विजय शंकर खेळला नव्हता. त्याच्या जागी वृद्धिमान साहाला संघात स्थान देण्यात आले होते. एकिकडे या सामन्यात मनीष पांडेने ३८ चेंडूंत ५१ धावांची खेळी साकारली, तर साहाने ३१ चेंडूंत ३० धावा केल्या. त्यामुळे वॉर्नर चांगलाच भडकलेला पाहायला मिळाला. त्याचबरोबर साहाला त्याने या पराभवाचे दोषी मानले आहे. पण वॉर्नरने यावेळी साहाबाबत थेट बोलणे टाळले. हैदराबादला या सामन्यात १४३ धावा करता आल्या होत्या.

यावेळी वॉर्नर म्हणाला की, ” मी बाद झाल्यावर आम्हाला २० धावा करण्यासाठी ५-६ षटकांची वाट पाहावी लागली. त्याचबरोबर ३०-३५ चेंडूंवर आम्हाला एकही धाव करता आली नाही. माझ्यामते ही चूक आम्हाला सर्वात जास्त भारी पडली. कारण या ३० चेंडूंत ३० धावा जरी आल्या असत्या तरी आम्ही जिंकू शकलो असतो. कारण या सामन्यात विजयासाठी आम्हाला २०-३० धावा कमी पडल्या. संघातील फलंदाजांनी काही चेंडू निर्धाव घालवले आणि त्याचाच फटका आम्हाला बसला.”

वाचा-
नाणेफेक जिंकून हैदराबादचा कर्णधार डेव्हिड वॉर्नरने प्रथम फलंदाजी करण्याचा निर्णय घेतला. पण त्यांना फार समाधानकारक सुरूवात करता आली नाही. जॉनी बेयरस्टो ५ धावांवर बाद झाला. त्यानंतर वॉर्नर आणि मनिष पांडे यांनी धावा वाढवण्याचा प्रयत्न केला. पण वॉर्नरला वरूण चक्रवर्तीने बाद केले. त्यानंतर वृद्धीमान सहाने पांडेसोबत अर्धशतकी भागिदारी केली. सहा ३० धावांवर बाद झाला. दरम्यान पांडेने अर्धशतक पूर्ण केले. पण त्यानंतरही हैदराबादला पराभव पत्करावा लागला.

गोलंदाजांनी केलेल्या अचूक कामगिरीनंतर शुभमन गिलच्या अर्धशतकाच्या जोरावर कोलकाता नाइट रायडर्सने सनरायजर्स हैदराबादचा ७ विकेट्सनी पराभव केला. यासह कोलकाताने आयपीएल २०२०मधील पहिल्या विजयाची नोंद केली.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here