चेन्नई सुपर किंग्स संघाला गेल्या दोन सामन्यांमध्ये पराभव पत्करावा लागला आहे. पण आता चेन्नई आणि कर्णधार महेंद्रसिंग धोनी यांच्यासाठी एक खूष खबर आहे. कारण आता त्यांच्या पुढच्या सामन्यासाठी संघात दोन खेळाडू खेळू शकणार असल्याचे आता समोर आले आहे.

चेन्नईच्या संघातून सुरेश रैना आणि हरभजन सिंग यांनी माघार घेतली होती. यावर्षी आपण आयपीएल खेळणार नसल्याचे या दोघांनीही सांगितले होते. चेन्नईचा यापुढचा सामना सनरायझर्स हैदराबादबरोबर २ ऑक्टोबरला होणार आहे. या सामन्यामध्ये चेन्नईच्या संघाता दोन खेळाडू आपल्याला दिसू शकणार आहे.

चेन्नईने पहिल्या सामन्यात मुंबई इंडियन्सवर विजय मिळवला होता. या सामन्यात मोलाची कामगिरी बजावली होती ती अंबाती रायुडूने. या सामन्यात धमाकेदार खेळी साकारत रायुडूने चेन्नईला जिंकवून दिले होते. त्यानंतर दोन सामन्यांमध्ये रायुडू खेळू शकला नाही. रायुडूचे स्नायू दुखावले असल्यामुळे त्याला दोन सामन्यांसाठी विश्रांती देण्यात आली होती. पण रायुडू आता पूर्णपणे फिट झालेला आहे. त्यामुळे चेन्नईच्या चौथ्या सामन्यात रायुडू आपल्याला खेळताना दिसू शकतो.

दुखापतीमुळे चेन्नईचा हुकमी एक्का समजला जाणारा वेस्ट इंडिजचा अष्टपैलू खेळाडू ड्वेन ब्राव्हो आपल्याला अजूनपर्यंत खेळताना दिसला नाही. दुखापतीमुळे ब्राव्होला एकही सामना खेळता आलेला नाही. पण ब्राव्हो आता पूर्णपणे फिट झाला आहे. त्यामुळे चेन्नईच्या चौथ्या सामन्यात ब्राव्हो आपल्याला खेळताना दिसू शकतो. ब्राव्हो आणि रायुडू हे दोघेही संघात आल्याने चेन्नईच्या संघाला बळकटी मिळेल. त्यामुळे चेन्नईचा संघ या दोघांच्या आगमनानंतर चौथा सामना जिंकणार का, याची उत्सुकता चाहत्यांना नक्कीच असेल.

आतापर्यंतच्या चेन्नईच्या संघाचे तीन सामने झाले आहेत. यामधील पहिल्या सामन्यात मुंबई इंडियन्सला चेन्नईने पराभूत केले होते. पण त्यानंतर झालेल्या दोन्ही सामन्यांमध्ये चेन्नईला विजय मिळवता आलेला नाही. त्यामुळे या दोन्ही अनुभवी खेळाडूंमुळे चेन्नईचा संघ विजयाच्या मार्गावर परतणार का, याची उत्सुकता नक्कीच चाहत्यांना असेल. पण त्यासाठी चाहत्यांना २ ऑक्टोबरपर्यंत वाट पाहावी लागणार आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here