आबुधाबी, : अव्वल स्थानावर असलेल्या राजस्थान रॉयल्सला आज केकेआरने पराभवाचा धक्का दिला. या सामन्यानंतर गुणतालिकेत मोठा बदल झाल्याचे पाहायला मिळाले आहे. गुणतालिकेत नेमका काय बदल झाला, पाहा…

या सामन्यापूर्वी राजस्थानचा संघ अव्वल स्थानावर विराजमान होता. कारण यापूर्वी झालेल्या दोन्ही सामन्यांमध्ये राजस्थानने विजय मिळवलेला होता. पण आजच्या तिसऱ्या सामन्यात राजस्थानला पराभव पत्करावा लागला. या पराभवामुळे राजस्थानला आपले अव्वल स्थान गमवावे लागले आहे. राजस्थानच्या संघाची आता थेट तिसऱ्या स्थानावर घसरण झालेली आहे. पहिल्या स्थानावर दिल्ली कॅपिटल्सचा संघ पुन्हा एकदा पोहोचला आहे.

या सामन्यापूर्वी केकेआरचा संघ सताव्या स्थानावर होता. कारण यापूर्वी झालेल्या दोन सामन्यांमध्ये त्यांनी एका सामन्यात विजय मिळवला होता, तर एकाद सामन्यात त्यांना पराभव पत्करावा लागला होता. पण तिसऱ्या सामन्यात त्यांनी राजस्थानवर दमदार विजय साकारला. या विजयासह केकेआरचा संघ सातव्या स्थानावरून थेट दुसऱ्या स्थानावर पोहोचला आहे. त्यामुळे केकेआरच्या संघासाठी ही आनंदाची बातमी आहे. पण दुसरीकडे राजस्थानच्या संघाला मोठा धक्का बसल्याचे पाहायला मिळत आहे.

कोलकाताने राजस्थानपुढे विजयासाठी१७५ धावांचे आव्हान ठेवले होते. पण कोलकात्याच्या भेदक गोलंदाजीपुढे राजस्थानचे फलंदाज नतमस्तक झाल्याचे पाहायला मिळाले. गोलंदाजांच्या अचूक माऱ्याच्या जोरावर कोलकाताने मोठा विजय साकारली. केकेआरच्या १७५ धावांच्या आव्हानाचा पाठलाग करताना राजस्थानची फलंदाजी पत्त्याच्या बंगल्याप्रमाणे कोसळली. शिवम मावी आणि कमलेश नागरकोटी यांनी मिळून राजस्थानच्या अव्वल चार फलंदाजांना माघारी धाडत त्यांचे कंबरडे मोडले. त्यामुळेच राजस्थानच्या केकेआरच्या आव्हानाचा यशस्वीपणे पाठलाग करता आला नाही. या सामन्यात राजस्थानचे संजू सॅमसन, स्टीव्हन स्मिथ, जोस बटलर, राहुल तेवातिया, रॉबिन उथप्पा हे सर्व फलंदाज अपयशी ठरले.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here