वाचा-
धोनी शुक्रवारच्या सनरायझर्स हैदराबादविरुद्धच्या सामन्यात अखेरच्या चेंडूपर्यंत मोदानात होता. धोनी हा एक चांगला फिनिशर म्हणून ओळखला जातो. पण गेल्या सामन्यात धोनीला संघाला सामना जिंकवून देता आला नाही. त्याचबरोबर धोनी या सामन्यात थकल्याचेही पाहायला मिळाले. त्यामुळे धोनी आता संपला, असे म्हणत काही चाहत्यांनी धोनीवर टीका केली आहे.
वाचा-
बॉलवूडमधील अभिनेता केआरकेने (कमाल आर खान) धोनीला चांगलेच धारेवर धरल्याचे पाहायला मिळत आहे. यावेळी केआरकेने एक ट्विट केले आहे. त्यामध्ये तो म्हणाला की, ” भावा, एमएस धोनी, केसांना कलप लावून ती काळी केली म्हणून कोणी युवा होत नाही. दोन धावा घेतल्यावर तुला दम लागतो. या सर्व गोष्टी म्हातारपणी होतात. पण म्हातारपणी खेळून आपला अपमान करून घ्याया कोणी सांगितले आहे का? मी तुझा चाहता आहे. पण तुझी ही अवस्था पाहून वाईट वाटते. त्यामुळे सन्मानाने तु संन्यास घे.”
वाचा-
काल आयपीएल मध्ये झालेल्या सामन्यात हैदराबादने चेन्नईचा पराभव केला. या सामन्यात चेन्नईचा कर्णधार महेंद्र सिंह धोनी धावा करताना मोठा संघर्ष करत असल्याचे दिसत होते. धोनीला सर्वात फिट क्रिकेटपटू मानले जाते. पण अखेरच्या दोन षटकात तो स्ट्राइक देखील करू शकत नव्हता. सामना झाल्यानंतर धोनीने चेंडू बॅटच्या मध्यभागी येत नसल्याचे सांगितले. त्याने ३६ चेंडूत ४७ धावा केल्या. चेन्नईला १६५ धावसंख्या करता आली नाही. त्याचा हा सलग तिसरा पराभव आहे. या सामन्यानंतर धोनीच्या फिटनेसवर सोशल मीडियातून प्रश्नचिन्ह उपस्थित केले जात आहेत. धोनी जुलै २०१९ नंतर क्रिकेट खेळत आहे त्यामुळे असे होत असावे असे काही जण म्हणत आहेत.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
