या सामन्यापूर्वी दिल्लीचा संघ हा तिसऱ्या स्थानावर होता. यापूर्वी झालेल्या तीन सामन्यांमध्ये दिल्लीने दोन विजय मिळवले होते. त्यामुळे ते तिसऱ्या स्थानावर होते. पण या सामन्यात त्यांनी केकेआकवर विजय मिळवला आणि अव्वल स्थान पटकावले आहे. त्यामुळे आरसीबीचे अव्वल स्थान हे काही तासांपुरतेच असल्याचे पाहायला मिळाले आहे. दिल्ली आणि आरसीबी या दोन्ही संघांचे सध्याच्या घडीला समान सहा गुण आहेत. पण दिल्लीचा रनरेट हा आरसीबीपेक्षा चांगला असल्यामुळे त्यांना अव्वल स्थानावर झेप घेता आली आहे.
या सामन्यापूर्वी केकेआरचा संघ चौथ्या स्थानावर होता. कारण केकेआरला पहिल्या सामन्यात पराभव पत्करावा लागला होता. त्यानंतर दोन्ही सामन्यांत त्यांनी विजय मिळवला होता. त्यामुळे तीन सामन्यांतील दोन विजयांसह त्यांचे चार गुण झाले होते. या सामन्यात केकेआरला पराभव पत्करावा लागला त्यामुळे केकेआरचे गुणतालिकेतील चौथे स्थान कायम राहिले नसून त्यांची पाचव्या स्थानावर घसरण झाल्याचे पाहायला मिळाले आहे.
सध्याच्या घडीला गुणतालिकेत अव्वल स्थानावर दिल्लीचा संघ आहे, त्यानंतर दुसरे स्थान आरसीबीने पटकावले आहे. गुणतालिकेत तिसऱ्या आणि चौथ्या स्थानावर अनुक्रमे मुंबई इंडियन्स आणि सनरायझर्स हैदराबाद हे दोन संघ आहे. केकेआरचा पराभवामुळे नेट रन रेट कमी झाला आणि त्याचाच फटका त्यांना बसलेला पाहायला मिळत आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
