MIvsSRH, : मुंबई इंडियन्सने आजच्या सामन्यात सनरायझर्स हैदराबादवर विजय मिळवला. त्यामुळे या विजयासह मुंबईच्या संघाने गुणतालिकेतही बाजी मारल्याचे पाहायला मिळाले. मुंबईच्या या विजयानंतर गुणतालिकेत नेमका कोणता बदल झाला आणि कोणता संघ कितव्या स्थानावर आहे, पाहा…

या सामन्यापूर्वी मुंबईचा संघ हा तिसऱ्या स्थानावर होता. कारण या सामन्यापूर्वी मुंबईच्या संघाने चार सामन्यांमध्ये दोन विजय मिळवले होते, तर दोन सामन्यांमध्ये त्यांना पराभव पत्करावा लागला होता. त्यामुळे मुंबईचा संघ या सामन्यापूर्वी तिसऱ्या स्थानावर होता. पण या सामन्यात विजय मिळवल्यानंतर मुंबईच्या संघाने अव्वल स्थानावर झेप घेतलेली पाहायला मिळाली आहे. कारण या विजयासह मुंबईच्या खात्यामध्ये आता सहा गुण जमा झालेले आहेत. त्याचबरोबर मुंबईचा रनरेटही चांगला असल्यामुळे त्यांनी अव्वल स्थानारव कब्जा केल्याचे पाहायला मिळत आहे.

या सामन्यापूर्वी सनरायझर्स हैदराबादचा संघ हा चौथ्या स्थानावर होता. कारण या सामन्यापूर्वी हैदराबादच्या संघाने चार सामन्यांमध्ये दोन विजय मिळवले होते, तर दोन सामन्यांमध्ये त्यांना पराभव पत्करावा लागला होता. त्यामुळे हैदराबादचा संघ या सामन्यापूर्वी चौथ्या स्थानावर होता. मुंबईकडून पराभव पत्करल्यावर हैदराबादचा संघ सहाव्या स्थानावर घसरल्याचे पाहायला मिळत आहे. हैदराबादच्या संघाचे चार गुण असेल तरी त्यांना रनरेट हा कमी असल्यामुळे त्यांची सहाव्या स्थानावर घसरण झाल्याचे पाहायला मिळत आहे.

सध्याच्या घडीला गुणतालिकेत मुंबईचा संघ पहिल्या स्थानावर आहे. त्याचबरोबर दुसऱ्या स्थानावर दिल्ली कॅपिटल्स आणि तिसऱ्या स्थानावर आरसीबीचा संघ आहे. चौथ्या आणि पाचव्या स्थानावर अनुक्रमे केकेआर आणि राजस्थान रॉयल्स हे संघ असल्याचे पाहायला मिळत आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here