जलालाबादमधील पूर्व नांगरहारमध्ये रस्ता ओलांडताना नजीब कारने उडवले होते. त्यानंतर तातडीने त्याला रुग्णालयात दाखल करण्यात आले होते. त्याची प्रकृती अत्यंत चिंताजनक होती. नजीबवर सर्जरी करण्यात आली पण तरी ही त्याची प्रकृती चिंताजनक होती. त्याच्यावर नांगरहारमध्ये उपचार सुरू होते. त्याच्या चाहत्यांनी उपचारासाठी काबूल किंवा अन्य ठिकाणी नेण्याची मागणी केली होती. क्रिकेट बोर्डने त्यासाठी सर्व पावले उचलली होती.
नजीबने अफगाणिस्तानकडून एक वन डे सामना आणि १२ टी-२० सामने खेळले आहेत. २०१४ मध्ये आशिया चषकातून बांगलादेशविरुद्धच्या सामन्यातून त्याने आंतरराष्ट्रीय पदार्पण केले होते. १२ टी-२० सामन्यांमध्ये ९० ही त्याची सर्वोत्कृष्ट खेळी आहे, जी त्याने २०१७ मध्ये आयर्लंडविरुद्ध ग्रेटर नोएडामधील मैदानात खेळताना उभारली होती. दरम्यान, आयर्लंडविरुद्धच्या एका वन डे सामन्यानंतर तो एकाही मोठ्या मालिकेत खेळताना दिसला नाही.
नुकतेच सप्टेंबरमध्ये झालेल्या श्पागिझा या टी-२० टूर्नामेंटमध्ये त्याने मिस ऐनक नाइट्स या संघाचे प्रतिनिधित्व केले होते. प्रथम श्रेणी क्रिकेटमध्ये नजीबची कामगिरी चांगली आहे. ४७ च्या सरासरीने त्याच्या नावावर २ हजार धावा आहेत, ज्यात सहा शतक आणि १० अर्धशतकांचा समावेश आहे. विशेष म्हणजे प्रथम श्रेणी क्रिकेटमध्ये २०० ही त्याची सर्वोच्च धावसंख्या आहे. अ श्रेणी क्रिकेटमध्ये त्याने १७ सामन्यात ३२ च्या सरासरीने ५५३ धावा केल्या आहेत, ज्यात १२१ ही सर्वोच्च धावसंख्या आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
