भुवनेश्वरच्या जागी २२ वर्षीय पृथ्वीने हैदराबादच्या संघात स्थान पटकावले आहे. पृथ्वीने आतापर्यंत ११ प्रथम श्रेणी सामने आणि ९ लिस्ट ए सामने खेळले आहेत. त्याचबरोबर पृथ्वीच्या नावावर तीन ट्वेन्टी-२० सामने आहेत. पण एवढ्या कमी सामन्यांमध्ये पृथ्वीने सर्वांनाच प्रभावित केले आहे. त्यामुळेच हैदराबादच्या संघाने पृथ्वीला आपल्या संघात स्थान दिले आहे.
गेल्या पाच प्रथम श्रेणी सामन्यामध्ये पृथ्वीने १८ विकेट्स मिळवलेले आहेत. त्याचबरोबर ११ प्रथम श्रेणी सामन्यांमध्ये ३९ विकेट्स मिळवलेल्या आहेत. त्याचबरोबर एका सामन्यात ६३ धावा देऊन ६ विकेट्स मिळवल्या आहेत. त्याचबरोबर पृथ्वीने ९ लिस्ट ए सामन्यांमध्ये १५ विकेट्स मिळवलेले आहेत. त्याचबरोबर एका सामन्यात २१ धावांमध्ये ५ विकेट्स मिळवण्याची किमया त्याने केलेली आहे. तीन ट्वेन्टी-२० सामन्यांमध्ये चार विकेट्स त्याने मिळवलेले आहेत. त्याचबरोबर आंध्र प्रदेशकडून १६, १९, २२ वर्षांखालील स्पर्धांमध्ये तो खेळला आहे. त्याचबरोबर भारतीय अ संघाचे प्रतिनिधीत्वही त्याने केलेले आहे.
चेन्नई सुपर किंग्सिविरुद्ध २ ऑक्टोबरला झालेल्या सामन्यामध्ये भुवनेश्वरला दुखापत झाली होती. मैदानात तो गोलंदाजी करायला आला. पण गोलंदाजी करताना त्याचे पायातील स्नायू दुखावले गेले आणि त्यामुळे त्याला मैदान सोडावे लागले होते. भुवनेश्वरला आता ६-८ आठवड्यांची विश्रांती घ्यावी लागणार आहे. त्यानंतर त्याची फिटनेस टेस्ट होइल आणि तो फिट असला तरच पुढे खेळू शकेल. पण भुवनेश्वरच्या जागी संघात आलेला पृथ्वी कशी कामगिरी करतो, याकडे सर्वांचे लक्ष असेल.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
