आबुधाबी, : मुंबई इंडियन्स आजच्या सामन्यात राजस्थान रॉयल्सबरोबर दोन हात करणार आहे. पण या सामन्यात जर मुंबईच्या संघाने राजस्थानवर विजय मिळवला तर गुणतालिकेत मोठा बदल होऊ शकतो, असे म्हटले जात आहे. पाहा कसं असेल समीकरण…

सध्याच्या घडीला मुंबईचा संघ हा गुणतालिकेत दुसऱ्या स्थानावर आहे. आतापर्यंत मुंबईच्या संघाने पाच सामने खेळलेले आहेत. या पाच सामन्यांमध्ये मुंबईने तीन विजय मिळवलेले आहेत, तर दोन सामन्यांमध्ये त्यांना पराभव पत्करावा लागलेला आहे. आतापर्यंत तीन विजयांसह मुंबईचा संघ सहा गुणांवर आहे. त्यामुळे हा सामना जर मुंबईने जिंकला तर त्यांना अव्वल स्थानावर जाण्याची नामी संधी असेल. कारण हा सामना जिंकल्यावर मुंबईच्या संघाचे ८ गुण होतील. त्याचबरोबर त्यांचा रनरेट चांगला आहे. त्यामुळे त्यांना अव्वल स्थान पटकावता येऊ शकते.

राजस्थानचा संघ हा सध्याच्या घडीला पाचव्या स्थानावर आहे. कारण आतापर्यंत चार सामन्यांमध्ये राजस्थानला दोन सामन्यांमध्ये विजय मिळवता आला आहे तर दोन सामन्यांमध्ये त्यांना पराभव पत्करावा लागला आहे. त्यामुळे राजस्थानचे सध्याच्या घडीला चार गुण आहेत. त्यामुळे हा सामना जिंकूव राजस्थानच्या संघाचे सहा गुण होतील आणि त्यांना तिसऱ्या स्थानावर पोहोचण्याची संधी असेल.

दोन्ही संघातील अखेरचे पाच सामने– राजस्थानचा ५ विकेटनी विजय
– राजस्थानचा ४ विकेटनी विजय
– राजस्थानचा ७ विकेटनी विजय
– राजस्थानचा ३ विकेटनी विजय
– मुंबई इंडियन्सचा ८ धावांनी विजय

या वर्षी दोन्ही संघांची कामगिरी शानदार झाली आहे. कामगिरीचा विचार करता राजस्थान रॉयल्सचे पारडे जड वाटत आहे. पण शारजामधील पहिल्या दोन लढतीत धमाकेदार फलंदाजी केल्यानंतर दुबई आणि अबुधाबीमध्ये राजस्थानची कामगिरी निराशजनक झाली आहे. यामुळेच राजस्थान या सामन्यात बदल करण्याची शक्यता आहे. या उलट मुंबई इंडियन्सची कामगिरी या दोन मैदानावर चांगली झाली आहे.

संभाव्य संघ
मुंबई इंडियन्स- क्विंटन डी कॉक(विकेटकिपर), रोहित शर्मा (कर्णधार), सुर्यकुमार यादव, इशान किशन, हार्दिक पंड्या, क्रुणार पंड्या, किरॉन पोलार्ड, ट्रेंट बोल्ट, जेम्स पॅटिनसन, राहुल चाहर, जसप्रित बुमराह.

राजस्थान रॉयल्स – जोस बटरल (विकेटकिपर), स्टीव्ह स्मिथ (कर्णधार), संजू सॅमसन, रॉबिन उथप्पा, राहुल तेवतिया, महिपाल लोमरोर, रियान पराग, टॉम करन, जोफ्रा आर्चर, श्रेयस गोपाल, जयदेव उडानकट अथवा अंकित राजपूत.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here