अबुधाबी: राजस्थान रॉयल्सविरुद्ध विजय मिळवून मुंबई इंडियन्सने ( ) आयपीएलमधील सलग तिसऱ्या विजयाची नोंद केली. मुंबईने प्रथम फलंदाजी करत राजस्थानपुढे विजयासाठी १९४ धावांचे आव्हान दिले होते. मुंबईकडून सुर्यकुमार यादवने ७९ धावांची धमाकेदार खेळी केली. त्यानंतर मुंबईच्या गोलंदजांना स्पर्धेतील आतापर्यंतची सर्वोत्तम अशी गोलंदाजी केली. त्याला साथ मिळाली ती दोन अफलातून कॅचची…

राजस्थानविरुद्धच्या सामन्यात मुंबईकडून बदली खेळाडू म्हणून मैदानात उतरला होता. रॉय १२वा खेळाडू आहे. त्याने राहुल चाहरने टाकलेल्या ९व्या षटकात महिपाल लोमरोरचा अफलातून कॅच पकडला आणि सर्वांना हैराण केले. रॉयने उलटा पळाला आणि हवेत उडी मारत त्याने कॅच घेतला.

अनुकूल रॉयने घेतलेला कॅच पाहण्यासाठी करा.

महिपाल बाद झाला तेव्हा राजस्थानाची अवस्था ४ बाद ४२ अशी होती. जोस बटलर एका बाजूने राजस्थानसाठी लढत होता. त्याने ४४ चेंडूत ७० धावा केल्या होत्या. अशातच १४व्या षटकात जेम्स पॅटिनसनच्या चेंडूवर षटकार मारण्याच्या प्रयत्नत तो बाद झाला. जोश बटरलने मारलेला चेंडू मुंबईच्या किरॉन पोलार्डने सीमा रेषेवर हवेत उडी मारून घेतला. हा कॅच पाहून बटरलच नाही तर मुंबईच्या खेळाडूंना विश्वास बसला नाही. बटलर ज्या पद्धतीने फलंदाजी करत होता त्यानुसार राजस्थानला विजयाची अशा होती. पण पोलार्डने घेतलेल्या सुपरमॅन कॅचने सामना पूर्णपणे मुंबईच्या बाजूने झुकवला.

पोलार्डच्या या कॅचवर मास्टर ब्लास्टर सचिन तेंडुलकरने देखील सोशल मीडियावर त्याचे कौतुक केले. सचिन म्हणतो असा कॅच फक्त पोलार्डच घेऊ शकतो.

बटलरने आयपीएलमधील अखेरच्या तीन डावात नाबाद ९४, ८९ आणि ७० अशा धावा केल्या आहेत. आयपीएलमधील हे त्याचे १०वे अर्धशतक ठरले. त्याच बरोबत काल त्याने १ हजार ५०० धावा पूर्ण केल्या.

या सामन्यात मुंबईने ५७ धावांनी विजय मिळवला आणि गुणतक्त्यात ८ गुणांसह पहिल्या स्थानावर झेप घेतली.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here