भारताचे माजी कर्णधार आणि समालोचक यांनी चेन्नई सुपर किंग्सचा कर्णधार महेंद्रसिंग धोनीवर एक टिप्पणी केली होती. पण त्यांच्या टिप्पणीवर चेन्नईचे प्रशिक्षक स्टीफन फ्लेमिंग यांनी उत्तर देत गावस्कर यांची बोलती बंद केल्याचेच पाहायला मिळाले आहे.

चेन्नईने गेल्या सामन्यात किंग्स इलेव्हन पंजाबच्या संघावर दमदार विजय मिळवला होता. या सामन्याच्यावेळी समालोचन करत असताना गावस्कर यांनी फ्लेमिंग यांच्याशी संवाद साधला. त्यावेळी गावस्कर यांनी धोनीच्या फलंदाजीच्या स्थानाबाबत टिप्पणी केली होती. धोनी आतापर्यंत मधल्या फळीत फलंदाजीला आलेला नाही. तो तळाच्या फलंदाजांबरोबर खेळायला येतो, याबाबत धोनीवर बऱ्याच जणांनी टीका केली होती. याबाबत गावस्कर यांनीही यावेळी टिप्पणी केल्याचे पाहायला मिळाले.

गावस्कर यांनी नेमकी काय टिपण्णी केली, पाहा…धोनी नेमका कोणत्या स्थानावर फलंदाजीला येणार, याबाबत गावस्कर यांना विचारायचे होते. पण पंजाबविरुद्धच्या सामन्यात चेन्नईने एकही विकेट न गमावता सामना जिंकला होता. त्यावेळी गावस्कर यांनी म्हटले होते की, ” जर चेन्नईचा संघ एकही विकेट न गमावता सामना जिंकत असेल तर धोनीच्या फलंदाजीच्या क्रमाबाबत कोणतीही चर्चा होणार नाही, हो की नाही” गावस्कर यांनी यावेळी प्लेमिंग यांना एक गुगली प्रश्न विचारला होता. या प्रश्नाला फ्लेमिंग यांनीही चांगलेच उत्तर दिले. फक्त काही वाक्यांतच फ्लेमिंग यांनी गावस्कर यांना समर्पक उत्तर दिल्याचे यावेळी पाहायला मिळाले आहे.

पाहा फ्लेमिंग यांनी गावस्कर यांना काय उत्तर दिलेगावस्कर यांच्या प्रश्नाला उत्तर देताना फ्लेमिंग म्हणाले की, ” मला हा प्रश्न बऱ्याचवेळा विचारला गेला आहे. मल वाटतं की धोनीने फलंदाजीसाठी पहिल्या क्रमांकावरच यायला हवे. मी जेव्हा पत्रकार परीषदेला जातो तेव्हा मला हाच प्रश्न विचारला जातो. त्यामुळे या प्रश्नाची मला सवय झाली आहे.” फ्लेमिंग यांनी यावेळी फक्त काही वाक्यांमध्येच गावस्कर यांना योग्य उत्तरही दिले आणि त्यांची बोलतीही बंद केल्याचे चाहत्यांचे म्हणणे आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here