केदारच्या जागी आज चेन्नईने नारायण जगदीशन या युवा खेळाडूला संधी दिलेली आहे. आतापर्यंत जगदीशन हा तामिळनाडूकडून खेळत असल्याचे सर्वांनीच पाहिले आहे. २४ वर्षीय जगदीशन हा यष्टीरक्षक-फलंदाज आहे. आजच्या सामन्यात मिळालेल्या संधीचे सोने तो कसा करतो, याकडे सर्वांचे लक्ष असेल.
चेन्नईचा संघ आतापर्यंत सहा सामने खेळला आहे. या सहा सामन्यांपैकी त्यांना फक्त दोनच विजय मिळवता आले आहेत. त्याचबरोबर त्यांना चार सामन्यांमध्ये पराभव पत्करावा लागला आहे. त्यामुळे आजचा सामना चेन्नईसाठी महत्वाचा असेल. कारण या सामन्यात विजय मिळवल्यावर त्यांना गुणतालिकेत झेप घेण्याची संधी असेल.
चेन्नई सुपर किंग्स आणि आरसीबी यांच्यामध्ये आजचा सामना रंगणार आहे. पण आजच्या या सामन्यात सर्वांचेच लक्ष असेल ते महेंद्रसिंग धोनी आणि विराट कोहली या दोन्ही कर्णधारांवर. त्यामुळे आज कोणता संघ विजयी ठरतो, याची उत्सुकता चाहत्यांना असेल. आयपीएलमध्ये आज महेंद्र सिंह धोनीच्या चेन्नई सुपर किंग्जची कसोटी लागणार आहे. CSKची लढत विराट कोहलीच्या रॉयल चॅलेंजर्स बेंगळुरूविरुद्ध होत आहे. चेन्नईला कोणत्याही परिस्थितीत कामगिरीत मोठी सुधारणा करावी लागणार आहे. आणखी एक पराभव चेन्नईच्या पुढील वाटचाली अडचणीत आणणाऱ्या ठरू शकतील. स्पर्धेत आतापर्यंत चेन्नईला ६ सामन्यात फक्त दोन विजय मिळवता आले. ते गुणतक्त्यात ६व्या स्थानावर आहेत. तर बेंगळुरूने ५ सामन्यात ३ विजयांसह पाचवे स्थान मिळवले. हे दोन्ही संघ पहिल्या टॉप ४ मधून बाहेर आहेत. महेंद्रसिंग धोनीच्या नेतृत्वाखालील चेन्नई सुपर किंग्सच्या संघाला आतापर्यंत लौकिकाला साजेशी कामगिरी करता आलेली नाही. पण चेन्नईच्या संघात इम्रान ताहिरसारखा अनुभवी फिरकीपटू आहे. पण तरीही त्याला अजून संघात संधी मिळालेली नाही.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
