या सामन्यापूर्वी आरसीबीचा संघ पाच सामने खेळला होता. या पाच सामन्यांमध्ये आरसीबीने तीन विजय मिळवले होते आणि त्यांना दोन पराभव पत्करावे लागले होते. पण शनिवारच्या सामन्यात त्यांनी चेन्नईच्या संघावर ३७ धावांनी दमदार विजय मिळवला. हा आरसीबीचा आतापर्यंतचा चौथा विजय ठरला आहे. त्यामुळे या विजयासह आरसीबीचे आठ गुण झाले आहेत. त्यामुळे आठ गुणांसह आरसीबीने गुणतालिकेत चौथे स्थान पटकावले आहे.
या सामन्यापूर्वी चेन्नईचा संघ गुणतालिकेमध्ये सहाव्या स्थानावर होता. कारण चेन्नईचा संघ सहा सामने खेळला होता आणि त्यांना चार पराभव पत्करावे लागले होते. या सहा सामन्यांमध्ये त्यांच्या नावावर फक्त दोन विजय होते. आजच्या सातव्या सामन्यातही चेन्नईच्या संघाला आरसीबीकडून ३७ धावांनी पराभव पत्करावा लागला. त्यामुळे आता सात सामन्यांमध्ये चेन्नईचे पाच पराभव झाले आहेत. या पराभवानंतरही गुणतालिकेत चेन्नईच्या संघाबाबत कोणताही बदल पाहायला मिळाला नाही. कारण या पराभवानंतही चेन्नईचा संघ सहाव्या स्थानावर आहे.
गुणतालिकेत पहिल्या स्थानावर दिल्ली कॅपिटल्सचा संघ आहे, तर दुसरे स्थान मुंबई इंडियन्सच्या संघाने पटकावले आहे. तिसऱ्या स्थानावर कोलकाता नाइट रायडर्सचा संघ आहे, तर आज आरसीबीने चौथे स्थान पटकावले आहे. गुणतालिकेत पाचव्या स्थानावर सनरायझर्स हैदराबादचा संघ आहे, तर सहाव्या स्थानावर चेन्नईचा संघ आहे. गुणतालिकेत सातव्या आणि आठव्या स्थानावर अनुक्रमे राजस्थान रॉयल्स आणि किंग्स इलेव्हन पंजाब हे संघ आहेत.
कर्णधार विराट कोहलीच्या धमाकेदार नाबाद ९० धावा आणि गोलंदाजांच्या दमदार कामगिरीमुळे आरसीबीने चेन्नईवर विजय मिळवल्याचे पाहायला मिळाले. या सामन्यात कोहली आणि महेंद्रसिंग धोनी हे भारताचे आजी-माजी कर्णधार एकमेकांसमोर उभे ठाकले होते. पण या सामन्यात कोहली धोनीवर भारी पडल्याचे पाहायला मिळाले. या सामन्यात आरसीबीच्या गोलंदाजांनी अचूक मारा केल्याचे पाहायला मिळाले. भेदक गोलंदाजीमुळेच आरसीबीला चेन्नईवर ३७ धावांनी विजय मिळवता आला.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
