नरिनने पंजाबविरुद्धच्या सामन्यात अवैध गोलंदाजी शैलीचा वापर केल्याचे पाहायला मिळाले आहे. ही चूक नरिन आणि केकेआरला भविष्यात चांगलीच महागात पडू शकते. कारण मैदानातील पंचांनीच नरिन पंजाबविरुद्ध अवैध शैलीने गोलंदाजी करत होता, असे म्हटले आहे. सध्याच्या घडीला नरिनला वॉर्निंग देण्यात आली आहे.
नरिनला पंजाबविरुद्धच्या सामन्यातील गोलंदाजीबाबत वॉर्निंग देण्यात आली आहे. पण नरिनकडून ही पहिल्यांदा चूक झाली त्यामुळे त्याच्यावर कठोर कारवाई यावेळी करण्यात आलेली नाही. या पहिल्या चुकीनंतरही नरिन हा आयपीएलमध्ये गोलंदाजी करू शकतो. पण जर यापुढे एकदाही जर नरिनची गोलंदाजी शैली अवैध असल्याचे आढळले तर त्याला आयपीएलला मुकावे लागू शकते. कारण बीसीसीआयच्या नियमांनुसार एकदा वॉर्निंग देऊनही खेळआडूने तीच चुकी पुन्हा केली तर त्याचे निलंबन करण्यात येऊ शकते. त्यामुळे यापुढे नरिन आणि केकेआर यांना पुढच्या सामन्यांमध्ये काळजी घ्यावी लागणार आहे.
नरिनने गेल्या पंजाबविरुद्धच्या सामन्यात दमदार गोलंदाजी करत दोन विकेट्सही मिळवले होते. त्याचबरोबर सामन्यातील सर्वात महत्वाचे अखेरचे षटक हे नरिनने टाकले होते आणि संघाला विजय मिळवून देण्यात मोलाचे योगदान दिले होते. नरिनने या सामन्यात धडाकेबाज निकोलस पुरन आणि मनदीप सिंग यांना बाद केले होते. त्याचबरोबर मोक्याच्या क्षणी चांगली कामगिरी केली होती. त्यामुळे यापुढे नरिनची कामगिरी कशी होते, याकडे सर्वांचेच लक्ष लागून राहिलेले असेल. यापुढे जर कोणीही नरिनच्या गोलंदाजी शैलीबाबत आक्षेप घेतला तर त्याला स्पर्धेला मुकावे लागेल.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
