या सामन्यापूर्वी आरसीबीच्या संघाने सहा सामने खेळले होते. या सहा सामन्यांमध्ये आरसीबीने चार विजय मिळवले होते. त्याचबरोबर त्यांना दोन पराभव पत्करावे लागले होते. त्यामुळे या सामन्यापूर्वी आरसीबीचा संघ हा ८ गुणांसह चौथ्या स्थानावर होता. या सामन्यात आरसीबीने केकेआरवर मोठा विजय साकारला. त्यामुळे गुणतालिकेत नक्कीच बदल झाला आहे. आरसीबीने या विजयानंतर गुणतालिकेत १० गुण पटकावले आहेत, त्याचबरोबर त्यांनी तिसरे स्थानही पटकावले आहे.
या सामन्यापूर्वी केकेआच्या संघाने सहा सामने खेळले होते. या सहा सामन्यांमध्ये केकेआरने चार विजय मिळवले होते. त्याचबरोबर त्यांना दोन पराभव पत्करावे लागले होते. त्यामुळे या सामन्यापूर्वी केकेआरचा संघ हा ८ गुणांसह तिसऱ्या स्थानावर होता. या सामन्यापूर्वी गुणतक्त्यात आरसीबी आणि केकेआर यांचे गुण जरी सारखे असेल तरी नेट रनरेटअधिक असल्यामळे कोलकाता तिसऱ्या तर बेंगळुरू चौथ्या स्थानावर होते. पण या सामन्यात केकेआरच्या संघाला पराभव पत्करावा लागला. त्यामुळे त्यांचे आठ गुणच असून त्यांची चौथ्या स्थानावर घसरण झाली आहे.
गुणतालिकेत सध्याच्या घडीला अव्वल स्थानावर मुंबई इंडियन्सचा संघ आहे. रविवारी मुंबईने दिल्ली कॅपिटल्सवर विजय मिळवला होता. या विजयानंतर मुंबईने अव्वल स्थान पटकावले होते. पण दिल्लीचा संघही यावेळी दुसऱ्या स्थानावर कायम आहे. या सामन्यानंतर आरसीबीने केकेआरचे गुणतालिकेतील तिसरे स्थान पटकावले आहे, तर केकेआरची चौथ्या स्थानावर घसरण झालेली पाहायला मिळत आहे.
विराट कोहलीच्या नेतृत्वाखालील आरसीबीच्या संघाने आजच्या सामन्यात केकेआरला मोठा धक्का दिला. एबी डिव्हिलियर्सचे झंझावाती अर्धशतक आणि गोलंदाजांच्या भेदक गोलंदाजीच्या जोरावर आरसीबीने केकेआरवर ८२ धावांनी विजय मिळवला. एबी डिव्हिलियर्सच्या फलंदाजीचे वादळ आज पुन्हा एकदा अनुभवता आले. एबीने फक्त २३ चेंडूंमध्ये आपले अर्धशतक पूर्ण करत केकेआरच्या गोलंदाजांना आपल्यापुढे लोटांगण घालायला भाग पाडले. एबीने यावेळी फक्त ३३ चेंडूंत पाच चौकार आणि सहा षटकारांच्या जोरावर नाबाद ७३ धावांची वादळी खेळी साकारली.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
