दिल्लीच्या संघाने आपल्या खेळाडूंना एक सरप्राइज दिले होते. दिल्लीच्या संघाने जेव्हा चेन्नई सुपर किंग्ससारख्या बलाढ्या संघाला धक्का दिला, त्यानंतर दिल्लीच्या संघाने आपल्या खेळाडूंना हे सरप्राइज दिल्याचे पाहायला मिळाले. त्यावेळी दिल्ली कॅपिटल्सचा स्टार क्रिकेटपटू शिमरॉन हेटमायरसमोर त्याची गर्डफ्रेंड आली आणि त्याचे डोळे पाणावल्याचे पाहायला मिळाले.
सर्व खेळाडू जेव्हा खेळत असतात तेव्हा ते आपल्या जवळच्या व्यक्तींपासून लांब असतात. त्यामुळे दिल्लीच्या संघाने यावेळी आपल्या खेळाडूंच्या जवळच्या व्यक्तींना एका व्हिडीओसाठी आमंत्रित केले होते. यावेळी खेळाडूंच्या जवळच्या व्यक्तींनी या खेळाडूंना काही संदेशही दिले. जेव्हा हेटमायरची वेळ आली आणि त्याने जेव्हा आपल्या गर्लफ्रेंडला पाहिले, तेव्हा त्याला सुखद धक्का बसला. त्याचबरोबर आपल्या गर्लफ्रेंडच्या आठवणीमुळे त्याचे डोळे पाणावले. हे कोणालाही दिसू नये, यासाठी त्याने मान खाली घातलेली पाहायला मिळाली.
दिल्ली कॅपिटल्स संघाचे सहमालक पार्थ जिंदाल यांची ही संकल्पना होता. जिंदाल यांनी आपल्या संघाला एकत्र बोलावले आणि सांगितले की, ” आपल्या संघाने ज्या सामन्यात चांगली कामगिरी केली नाही, त्याच व्हिडीओ आता तुम्हाला दाखवणार आहे. त्यावेळी सर्वांनाच दडपण आले होते. पण त्यानंतर जेव्हा हा व्हिडीओ आम्ही सुरु केला तेव्हा सर्वच खेळाडू भावूक झाल्याचे पाहायला मिळाले.”
सध्याच्या घडीला दिल्लीचा संघ हा गुणतालिकेत दुसऱ्या स्थानावर आहे. आतापर्यंत झालेल्या सात सामन्यांमध्ये दिल्लीने पाच विजय मिळवले आहेत, त्याचबरोबर दोन पराभव त्यांना पत्करावे लागले आहे. त्यामुळे गुणतालिकेत १० गुणांसह दिल्लीचा संघ हा दुसऱ्या स्थानावर आहे. दिल्लीचा संघ यापूर्वी अव्वल स्थानावर होता. पण मुंबई इंडियन्सने त्यांचा पराभव केला आणि त्यांना दुसऱ्या स्थानावर समाधान मानावे लागले.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
