आबुधाबी, : चेन्नई सुपर किंग्सला आजच्या सामन्यात अखेर विजय गवसल्याचे पाहायला मिळाले. चेन्नईने या सामन्यात हैदराबादवर २० धावांनी विजय मिळवला. या विजयानंतर चेन्नईला दोन गुण मिळाले आहेत. पण तरीही गुणतालिकेत चेन्नईपेक्षा हैदराबादच सरस असल्याचे पाहायला मिळाले आहे. गुणतालिकेत नेमका काय बदल झाला आहे, पाहा…

या सामन्यापूर्वी चेन्नईचा संघ हा गुणतालिकेत सातव्या स्थानावर होता. कारण या सामन्यापूर्वी चेन्नईचा संघ सात लढती खेळला होता. या सात सामन्यांमध्ये त्यांना फक्त २ विजय मिळवता आले होते, तर त्यांना पाच पराभव पत्करावा लागले होते. त्यामुळे चार गुणांसह चेन्नईचा संघ हा सातव्या स्थानावर होता. आजच्या सामन्यात चेन्नईने विजय मिळवत दोन गुण कमावले. या दोन गुणांसह चेन्नईने गुणतालिकेत सहावे स्थान पटकावले आहे. चेन्नईचे आता सहा गुण झाले आहेत.

या सामन्यापूर्वी हैदराबादचा संघ हा पाचव्या स्थानावर होता. या सामन्यापूर्वी हैदराबादच्या सात लढती झाल्या होत्या. या सात सामन्यांमध्ये हैदराबादने तीन विजय मिळवले होते, तर चार पराभव त्यांना पत्करावे लागले होते. या सामन्यात चेन्नईने त्यांना पराभूत केले. पण तरीही हैदराबादचा संघ पाचव्याच स्थानावर आहे.

गुणतालिकेत चेन्नई आणि हैदराबाद यांचे समान ६ गुण आहेत. पण रनरेट चांगला असल्यामुळे हैदराबादने आपले पाचवे स्थान टिकवलेले आहे. चेन्नईच्या संघाने या सामन्यात दोन गुणांची कमाई केली आणि त्यांचे सहा गुण झाले आहेत. पण रनरेट कमी असल्यामुळे त्यांना पाचवे स्थान पटकावता आलेले नाही.

सध्याच्या घडीला मुंबई इंडियन्सचा संघ अव्वल स्थानावर आहे, तर दिल्ली कॅपिटल्सचा संघ दुसऱ्या स्थानावर आहे. तिसऱ्या स्थानावर विराट कोहलीच्या नेतृत्वाखालील आरसीबीचा संघ आहे, तर चौथ्या स्थानावर केकेआरचा संघ आहे. पाचवे स्थान हैदराबादच्या संघाने कायम राखले आहे, तर सहावे स्थान चेन्नईने पटकावले आहे. सध्याच्या घडीला सातव्या स्थानावर राजस्थान रॉयल्स आणि अखेरच्या स्थानावर किंग्स इलेव्हन पंजाबचा संघ आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here