आबुधाबी, : एकेकाळी एकामागून एक विजय महेंद्रसिंग धोनी मिळवत असल्याचे पाहायला मिळाले होते. पण या आयपीएलमध्ये मात्र धोनीवर विजय रुसल्याचेच पाहायला मिळाले होते. पण आजच्या सामन्यात धोनीला अखेर विजय गवसल्याचे पाहायला मिळाले. या सामन्यात चेन्नईने हैदराबादवर २० धावांनी विजय मिळवला.

आजच्या सामन्यात चेन्नईने हैदराबादपुढे विजयासाठी १६८ धावांचे आव्हान ठेवले होते. या आव्हानाचा पाठलाग करताना हैदराबादच्या केन विल्यम्सनने अर्धशतक झळकावले होते. पण केन बाद झाल्यावर चेन्नईचा विजय सुकर झाला. त्यामुळे या सामन्याच चेन्नईला हैदराबादवर मात करता आली. या स्पर्धेतील चेन्नईचा हा तिसरा विजय ठरला.

चेन्नईच्या १६८ धावांचा पाठलाग करताना हैदराबादची सुरुवात चांगली झाली नाही. कारण हैदराबादने कर्णधार डेव्हिड वॉर्नर आणि मनीष पांडे या बिनीच्या फलंदाजांना लवकर गमावले. पण त्यानंतर केन विल्यमसन आणि जॉनी बेअरस्टोव्ह यांची जोडी चांगलीच जमलेली पाहायला मिळाली. या दोघांनी संघाला अर्धशतक गाठून दिली. पण रवींद्र जडेजाच्या गोलंदाजीवर जॉनी त्रिफळाचीत झाला आणि चेन्नईला मोठे यश मिळाले.

जॉनी बाद झाल्यावर युवा फलंदाज प्रियम गर्ग फलंदाजीला आला. पण प्रियमला यावेळी केनला चांगली साथ देता आली नाही. प्रियमला यावेळी १६ धावांवर असताना कर्ण शर्माने बाद केले. पण त्याचवेळी संघाची सर्व जबाबदारी केन हा यशस्वीपणे पेलवत असल्याचे पाहायला मिळाले. केनने यावेळी अर्धशतक झळकावले खरे, पण त्यानंतर त्याला संघाला विजय मिळवून देता आला नाही. केनने यावेळी सात चौकारांच्या जोरावर ५९ धावा केल्या.

चेन्नई सुपर किंग्सच्या फलंदाजांकडून यावेळी दमदार फलंदाजी पाहायला मिळाली. चेन्नईच्या एकाही फलंदाजाला यावेळी अर्धशतक झळकावता आले नाही. पण तरीही चेन्नईच्या संघाला सनरायझर्स हैदराबादपुढे १६८ धावांचे आव्हान ठेवले आहे. चेन्नईकडून यावेळी सर्वाधिक धावा शेन वॉटसनने केल्या, त्याला ४२ धावा करता आल्या. अंबाती रायुडूनेही यावेळी ४१ धावांची भर घातली. कर्णधार महेंद्रसिंग धोनी आणि रवींद्र जडेजा यांनी अखेरच्या षटकांमध्ये चांगली फलंदाजी केली. त्यामुळेच चेन्नईच्या संघाला हैराबादसमोर आव्हानात्मक धावसंख्या उभारता आली.

चेन्नईच्या संघाने यावेळी नाणेफेक जिंकली आणि कर्णधार महेंद्रसिंग धोनीने प्रथम फलंदाजी करण्याचा निर्णय घेतला. चेन्नईचे सलामीवीर जेव्हा मैदानात उतरले तेव्हा सर्वांनाच धक्का बसला. कारण यावेळी शेन वॉटसन सलामीवीर म्हणून मैदानात उतरला नव्हता. यावेळी युवा खेळाडू सॅम करनला सलामीसाठी पाठवण्यात आले होते. सॅमनेही यावेळी आपल्यावर ठेवलेला विश्वास सार्थ ठरवला. सॅमने यावेळी तीन चौकार आणि दोन षटकारांच्या जोरावर ३१ धावांची दमदार खेळी साकारली.

सॅम बाद झाल्यावर शेन वॉटसन आणि चौथ्या क्रमांकावर फलंदाजीला आलेल्या अंबाती रायुडू यांची चांगलीच जोडी जमली. या दोघांनी तिसऱ्या विकेटसाठी यावेळी ८१ धावांची भागीदारी रचली. वॉटसनने यावेळी ४२ धावा केल्या, तर रायुडूकडून ४१ धावा पाहायला मिळाल्या. चार धावांच्या फरकाने हे दोघेही बाद झाले.

ही जोडी तंबूत परतल्यावर कर्णधार महेंद्रसिंग धोनी आणि रवींद्र जडेजा ही जोडी मैदानात होती. या दोघांनीही यावेळी चांगली फलंदाजी केल्याचे पाहायला मिळाले. धोनीने यावेळी २१ धावा केल्याचे पाहायला मिळाले.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here