ऑगस्ट महिन्यात दक्षिण आफ्रिकेच्या क्रिकेट मंडळामध्ये भ्रष्टाचार होत असल्याचे समोर आले होते. त्यानंतर क्रिकेट मंडळाने आपले मुख्य कार्यकारी अधिकारी थबांग मेराई यांची हकालपट्टी केली होती. त्यानंतर क्रिकेट मंडळाने याबाबत एक चौकशी समिती स्थापित केली होती. पण या चौकशी समितीने आपल्या अहवालामध्ये नेमके काय सांगितले आहे, हे क्रिकेट मंडळाने कोणाला सांगितले नव्हते.
चौकशी समितीचा अहवाल सार्वजनिक करावा, अशी मागणी दक्षिण आफ्रिकेच्या क्रिकेट मंडळाकडे केली जात होती. पण तेव्हा हा अहवाल आपण सार्वजनिक करणार नाही आणि अजूनही कोणीही याबाबत चौकशी करू नये, असा पवित्रा दक्षिण आफ्रिकेच्या क्रिकेट मंडळाने घेतला होता. त्यामुळे हे प्रकरण चांगलेच चिघळलेले होते. पण कालांतराने दक्षिण आफ्रिकेच्या क्रिकेट मंडळाला झुकावे लागले आणि त्यांना आपला अहवाल सार्वजनिक करावा लागला.
दक्षिण आफ्रिकेच्या क्रिकेट मंडळाच्या अहवालाचा अभ्यास सरकार करत आहे. यामधून त्यांना बऱ्याच काही गोष्टी समजल्या आहेत, असे दिसत आहे. त्यामुळे आता सरकारने या प्रकरणात हस्तक्षेप करण्याचा निर्णय घेतलेला आहे. त्यामुळे आता दक्षिण आफ्रिकेच्या क्रिकेट मंडळावर बंदी येऊ शकते, असे म्हटले जात आहे. जर दक्षिण आफ्रिकेच्या क्रिकेट मंडळावर बंदी आली तर ते खेळाडूंसाठीही चांगले नसेल. हा खेळाडूंसाठीही मोठा धक्का असेल. त्याचबरोबर आंतरराष्ट्रीय क्रिकेटमध्येही दक्षिण आफ्रिकेच्या क्रिकेट मंडळाची प्रतिमा मलीन होऊ शकते. त्यामुळे आता सरकार नेमका कसा हस्तक्षेप करते, हे पाहणे महत्वाचे आहे. कारण सरकारने जर मोठी कारवाई केली तर दक्षिण आफ्रिकेच्या क्रिकेट मंडळाचे नाव क्रिकेट विश्वात चांगले राहणार नाही. त्यामुळे याप्रकरणात नेमकं काय करायचे, याचा निर्णय त्यांच्या सरकारला घ्यावा लागणार आहे.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
