केकेआरचा नवा कर्णधार इऑन मॉर्गन आज पहिल्यांदाच नाणेफेकीसाठी आला होता. मॉर्गनेन यावेळी नाणेफेक जिंकली आणि प्रथम फलंदाजी करण्याचा निर्णय घेतला. पण केकेआरला यावेळी चांगली सुरुवात मिळाली नाही. ट्रेंट बोल्टने यावेळी केकेआरचा सलामीवीर राहुल त्रिपाठीला सात धावांवर बाद केले. बोल्टने यावेळी वेगवान चेंडू टाकला. या चेंडूवर पॉइंटच्या दिशेने मोठा फटका मारण्याचा प्रयत्न राहुल त्रिपाठीने केला. त्रिपाठीने यावेळी जोरदार फटका लगावला होता. त्यामुळे हा चेंडू चौकार जाईल, असे काही जणांना वाटले होते. पण सूर्यकुमारने यावेळी झेप घेत हा झेल टिपला.
त्रिपाठी बाद झाल्यावर फलंदाजीला आलेल्या नितीश राणाला यावेळी फक्त पाच धावाच करता आल्या. नितिश बाद झाल्यावर दिनेश कार्तिक फलंदाजीला आला. पण त्यावेळी एका टोकाकडून सलामीवीर शुभमन गिल चांगली फलंदाजी करत होता. गिल आता मोठी खेळी साकारेल, असे वाटत होते. पण गिलला यावेळी २१ धावांवरच समाधान मानावे लागले.
गिल बाद झाल्यानंतरच्या चेंडूवर दिनेशही बाद झाला आणि केकेआरला सलग दोन धक्के बसले. मुंबईचा फिरकीपटू राहुल चहरने यावेळी केकेआरला सलग दोन धक्के दिले. त्यानंतर खेळपट्टीवर कर्णधार मॉर्गन आणि आंद्रे रसेल हे दोघे होते. रसेलची बॅट आज तळपणार का, याची उत्सुकता सर्वांना होती. पण मुंबईचा वेगवान गोलंदाज जसप्रीत बुमराने यावेळी जबरदस्त बाऊन्सर टाकला आणि रसेलला त्याने बाद केले. रसेलला यावेळी १२ धावा करता आल्या.
केकेआरचा अर्धा संघ फक्त ६१ धावांमध्ये तंबूत परतला होता. पण त्यानंतर कर्णधार मॉर्गन आणि पॅट कमिन्स यांच्यामध्ये चांगली भागीदारी पाहायला मिळाली. मॉर्गनपेक्षा कमिन्स यावेळी जलदगतीने धावा जमवत असल्याचे पाहायला मिळाले. कमिन्सने यावेळी मुंबईच्या गोलंदाजांचा चांगलाच समाचार घेतला, त्यामुळे केकेआरला यावेळी मुंबईपुढे सन्मानजनक धाव्हान ठेवता आले.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
