दिल्लीच्या संघातील सूत्रांनी एएनआय या वृत्तसंस्थेला याबाबत माहिती दिली आहे. दिल्लीच्या संघातील सूत्रांनी सांगितले की, ” पंतला काही दिवसांपूर्वी दुखापत झाली होती. पण तो या दुखापतीमधून बाहेर येण्यासाठी प्रयत्न करत होता. आता पंत या दुखापतीमधून सावरला आहे आणि पूर्णपणे फिट झाला आहे. पण आजच्या सामन्यात तो खेळणार की नाही, याचा निर्णय लढतीपूर्वी संघ व्ययवस्थापन घेणार आहे.” दिल्लीच्या संघाला पंतची उणीव भासत असल्याचे दिल्लीचा कर्णधार अय्यरनेही काही वेळा सांगितले होते. त्यामुळे पंत पूर्णपणे फिट असेल तर त्याला आजच्या सामन्यात खेळवण्याची दाट शक्यता आहे.
दिल्लीच्या संघाला दुखापतींनी ग्रासले होते. दुखापतीमुळे दिल्लीच्या अमित मिश्रा आणि इशांत शर्मा यांना या आयपीएलमध्ये आता खेळता येणार नाही. काही दिवसांपूर्वी दिल्लीचा कर्णधार श्रेयस अय्यरलाही दुखापत झाली होती. पण त्यानंतरच्या सामन्यात तो मैदानात दिसला होता. काही दिवसांपूर्वी पंतलाही दुखापत झाल्याचे पाहायला मिळाले होते. त्यामुळे पंतला काही सामन्यांना मुकावे लागले होते. पण आता तो पूर्णपणे फिट झाल्याचे म्हटले जात आहे.
सध्याच्या घडीला दिल्लीचा संघ हा गुणतालिकेत अव्वल स्थानावर विराजमान आहे. आतापर्यंतच्या ९ सामन्यांमध्ये दिल्लीने सात सामने जिंकले आहेत, त्यामुळे १४ गुणांसह ते अव्वल स्थानवर आहेत. आजचा सामना जर दिल्लीच्या संघाने जिंकला तर त्यांचे १६ गुण होतील आणि बाद फेरीसाठी ते आपली दावेदारी सिद्ध करू शकतात. त्यामुळे आजचा सामना दिल्लीसाठी महत्वाचा असेल. त्यामुळे आजच्या सामन्यात दिल्लीचा संघ विजय मिळवतो का, याची उत्सुकता सर्वांनाच असेल.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
