वाचा-
या सामन्यात दिल्लीकडून शिखर धवनने शतकी खेळी केली. पंजाबकडून निकोलस पूरनने अर्धशतक केले. तर अन्य खेळाडूंनी कमी चेंडूत अधिक धावा करून संघाच्या विजयात महत्त्वाची भूमिका पार पाडली. कर्णधार केएल राहुल (१५) आणि मयांक अग्रवाल (५) हे लवकर बाद झाल्यानंतर ख्रिस गेलने १३ चेंडूत २९ धावांची धडाकेबाज खेळी केली. यात २ षटकार आणि ३ चौकारांचा समावेश होता. सामना सुरू असताना ख्रिस गेलच्या बुटाची लेस सुटली होती. तेव्हा गोलंदाज आर अश्विनने ती बांधून दिली.
वाचा-
अश्विनच्या या खेळ भावनेचे कौतुक सर्व जण करत आहे. पण त्यानंतर चेंडू टाकताना त्याने कोणतीही सवलत दिली नाही. अश्विनने ख्रिस गेलची बोल्ड काढली. टी-२० मध्ये अश्विनने गेलला ८१ चेंडू टाकले आहेत आणि ५ वेळा बाद केले. युनिव्हर्सल बॉस अशी ओळख असलेल्या अश्विनविरुद्ध गेलने ६७ धावा केल्या आहेत. म्हणजे त्याचा स्ट्राइक रेट ८२.७१ इतका आहे. गेलचा आयपीएलमधील १५०.५९ इतका आहे. बोल्ड होण्याआधी गेलने तुषार देशपांडेच्या ओव्हरमध्ये ३ चौकार आणि २ षटकार मारले.
वाचा-
वाचा-
गेलच्या या खेळीमुळे पंजाबने पॉवर प्लेच्या ६ षटकात ५७ धावा केल्या. तुषारच्या एका ओव्हरमध्ये २६ धावा गेल्या. पॉवर प्लेमध्ये सर्वाधिक धावा देण्याचा नकोसा विक्रम तुषारच्या नावावर जमा झाला आहे. याआधी सनरायजर्स हैदराबादच्या खलील अहमदच्या नावावर होता. त्याने चेन्नई सुपर किंग्जविरुद्ध पॉवर प्ले मध्ये एका षटकात २२ धावा दिल्या होत्या.
वाचा-
गेलच्या नावावर आयपीएलमध्ये सर्वाधिक ३३५ षटकार मारण्याचा विक्रम आहे. गेलने एका सामन्यात सर्वाधिक १७५ धावा आणि १७ षटकार मारले आहे. याच सामन्यात त्याने ३० चेंडूत वेगवान शतक झळकावले होते.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
