दुबई: ऋतुराज गायकवाडच्या () नाबाद ६५ धावांच्या जोरावर चेन्नई सुपर किंग्जने आयपीएलच्या (IPL) १३व्या हंगामातील चौथा विजय मिळवला. रविवारी विरुद्ध झालेल्या सामन्यात चेन्नईने ८ विकेटनी विजय मिळवला. या विजयासह ते गुणतक्त्यात आठव्या स्थानावरून सातव्या स्थानावर पोहोचले आहेत.

वाचा-

चेन्नईविरुद्धच्या सामन्यात विराट कोहलीने नाणेफेक जिंकून प्रथम फलंदाजी करण्याचा निर्णय घेतला. देवदत्त पडिक्कल आणि एरॉन फिंच यांना फार चांगली सुरूवात करून देता आली नाही. फिंच १५ तर देवदत्त २२ धावा करून माघारी परतला. सलामीची जोडी बाद झाली तेव्हा बेंगळुरूची अवस्था २ बाद ४२ अशी होती. त्यानंतर कर्णधार विराट कोहली आणि एबी डिव्हिलियर्स यांनी धावसंख्या पुढे नेली. हे दोघे अनुभवी फलंदाज सेट झाल्यानंतर मोठी फटकेबाजी करतील असे वाटले होते. पण दिपक चाहरने एबीला ३९ धावांवर बाद केले. त्यानंतर विराट कोहली देखील अर्धशतक करून माघारी परतला. त्यांना २० षटकात ६ बाद १४५ धावा करता आल्या.

वाचा-

संपूर्ण स्पर्धेत खराब कामगिरी करणाऱ्या चेन्नला विजयासाठी १४६ धावांची गरज होती. आणि फाफ डुप्लेसिस यांनी डावाची सुरुवात केली. या दोघांनी पहिल्या विकेटसाठी ४६ धावा केल्या. डुप्लेसीस २५ धावांवर बाद झाला. त्यानंतर अंबाती रायडू ने गायकवाड सोबत संघाला शंभरीच्या पुढे नेले. रायडू ३९ धावांवर माघारी परतला. त्यानंतर आला कर्णधार महेंद्र सिंह धोनी. त्याने गायकवाड सोबत १९व्या षटकात संघाला विजय मिळवून दिला. दरम्यान गायकवाडने आयपीएलमधील पहिले अर्धशतक पूर्ण केले. त्याने ५१ चेंडूत ३ षटकार आणि ४ चौकारांसह नाबाद ६५ धावा केल्या. तर धोनी १९ धावांवर नाबाद राहिला.

वाचा-

या विजयामुळे चेन्नईचे प्ले ऑफमध्ये पोहोचण्याची शक्यता अद्याप कायम आहे. अर्थात त्यांना अन्य संघांच्या कामगिरीवर अवलंबून रहावे लागणार आहे.

Sports News in Marathi: Latest Marathi News on Cricket, Football, Tennis, Hockey & more | Maharashtra Times

LEAVE A REPLY

Please enter your comment!
Please enter your name here