भारतीय संघाकडून ६८ वनडे, सहा कसोटी आणि १० टी-२० सामने खेळणारा प्रविण त्याच्या स्विंग गोलंदाजीसाठी प्रसिद्ध होता. भारतासारख्या देशात नैराश्य हा प्रकार कोणाला माहीत असतो? याबद्दल कोणालाही कल्पना नसते, मेरठमध्ये तर नाहीच नाही. आयुष्यात एक क्षण असा आला होता की, मी रिव्हॅल्व्हर घेऊन हरिद्वार हायवे वर निघालो. पण गाडीत माझ्या मुलांचे फोटो पाहिले आणि आत्महत्येचा विचार बदलला, असे प्रविणने सांगितले.
वाचा-
२००८मध्ये ऑस्ट्रेलिया दौऱ्यात प्रवीण कुमारने शानदार गोलंदाजी केली. प्रवीणच्या गोलंदाजीमुळे भारतीय संघाला ऐतिहासिक विजय देखील मिळाला. इतक नव्हे तर त्याला सामनावीर पुरस्कार देण्यात आला. पण त्यानंतर जेव्हा प्रवीण संघाबाहेर आला तेव्हा त्याला नैराश्य आले. या नैराश्यामुळेच त्याच्या मनात आत्महत्या करण्याचा विचार देखील आला होता. प्रवीण भारतीय संघासह आयपीएलमध्ये देखील खेळला आहे. क्रिकेटसोबत तो अन्य कारणांमुळे देखील अनेक वेळा चर्चेत आला आहे.
वाचा-
अनेक महिने मला स्वत:ची भीती वाटायची. वेळ वाईट असेल तर तुमच्या मानावर देखील त्याचा परिणाम होतो. जर कोणी माझा फोन नाही घेतला तर मला वाईट वाटायचे. सर्व जण मला दुर्लक्षित करत आहेत असे वाटत असे. पण तो काळ आता मागे पडला. मी पुन्हा चांगले आयुष्य जगत असल्याचे प्रवीणने सांगितले.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
