केन विल्यम्सन भारतीय गोलंदाजांचा चांगला समाचार घेतला. त्याने २६ चेंडूत धडाकेबाज ५१ धावा केल्या. या खेळीत विल्यम्सनने कर्णधार म्हणून सर्वाधिक धावा करणाऱ्या यादीत धोनीला मागे टाकले. टी-२० क्रिकेटमध्ये कर्णधार म्हणून सर्वाधिक धावा करणारा विल्यम्सन हा दुसऱ्या क्रमांकाचा फलंदाज ठरला.
वाचा-
भारताविरुद्धच्या सामन्याआधी विल्यम्सन धोनीपेक्षा २९ धावांनी मागे होता. धोनीने कर्णधार म्हणून टी-२०मध्ये १ हजार ११२ धावा केल्या आहेत. तर विल्यम्सनने १ हजार ०३ धावा केल्या होत्या. भारताविरुद्ध ३०वी धाव घेत त्याने धोनीला मागे टाकत दुसरे स्थान मिळवले. विल्यम्सनने भारताविरुद्ध ५१ धावा केल्या असून आता टी-२०त त्याच्या नावावर १ हजार १३४ धावा झाल्या आहेत.
वाचा-
कर्णधार म्हणून टी-२०त सर्वाधिक धावा करण्याचा विक्रम दक्षिण आफ्रिकेच्या फाफ डु प्लेसिसच्या नावावर आहे. त्याने टी-२०त १ हजार २७३ धावा केल्या आहेत. या यादीत विल्यम्सन १ हजार १३४ धावांसह दुसऱ्या स्थानावर तर धोनी तिसऱ्या स्थानावर आहे.
वाचा-
विल्यम्सनने भारताविरुद्ध धडाकेबाज खेळी केली. २६ चेंडूत ५१ धावा करताना त्याने ४ षटकार आणि ४ चौकार मारले. विल्यम्सनचा स्टाइकरेट १९६ इतका होता.
Sports News in Marathi: Latest Marathi News on Cricket, Football, Tennis, Hockey & more | Maharashtra Times
